رووداو دیجیتاڵ
بەهۆی شەڕی نێوان دوو ماڵباتەوە لە ناحیەی گردەسێن لە سنووری ئاکرێ لە پارێزگای دهۆک، ماڵێک سووتا و هاونیشتمانییەکیش بریندار بوو.
شەڕەکە لەنێوان دوو ماڵباتدا لە سەنتەری ناحیەی گردەسێن روویدا. ئەحمەد سلێمان، بەڕێوەبەری ناحیەکە بە تۆڕی میدیایی رووداوی گوت، "دۆخەکە کۆنترۆڵ کراوە."
بەهۆی شەڕی نێوان ئەو دوو ماڵباتەوە، کە چەکی تێدا بەکارهێندراوە، خانووی کەسێک سووتا و کەسێکیش بریندار بوو، کە بەگوێرەی زانیارییەکانی پەیامنێری رووداو، برینەکەی سووکە.
پۆلیسی ناحیەکە لێکۆڵینەوە لە رووداوەکەی ئەمشەو دەکات.