رووداو دیجیتاڵ
قایمقامییەتی قەزای کەلار رایگەیاند، بەهۆی هەڵگرتنی چەقۆوە 20 گەنج دەستگیرکراون.
هەردی سەرکەوت، گوتەبێژی قایمقامییەتی قەزای کەلار، ئەمڕۆ یەکشەممە بە تۆڕی میدیایی رووداوی گوت: "ئەو گەنجانە لە دوو شەوی رابردوودا بەهۆی هەڵگرتنی چەقۆوە لەلایەن لیژنەی ئەمنی کەلارەوە دەستگیرکراون".
قایمقامییەتی کەلار لە ئیدارەی گەرمیان لە راگەیێندراوێکدا دەڵێت، "لە چوارچێوەی جێبەجێکردنی بەرنامە و پلانی قایمقامیەتی قەزای کەلار بۆ مانگی پیرۆزی رەمەزان بۆ پاراستنی سەر و ماڵی هاووڵاتییان، ئەو گەنجانە لەنێو چەند کافتریایەکدا دەستگیرکراون".
قایمقامییەت دەڵێت، بە بڕیاری دادوەر، هەموو گەنجەکان دەستبەسەرکراون و لە زینداندان.
ئەوە لەکاتێکدایە، لە کەمتر لە 15 رۆژی رابردوو، دوو گەنج لە ناحیەی رزگاری سەر بە قەزای کەلار بە چەقۆ کوژران.
.jpg&w=3840&q=75)