prev
next
رووداو دیجیتاڵ
رێپێوانی پارتی یەکسانی و دیموکراسیی گەلان (دەم پارتی) ئەمڕۆ لە جۆلەمێرگ کۆتایی دێت.
دەم پارتی وەک کاردانەوەیەک لەبەرامبەر دانانی قەییوم بۆ شارەوانیی جۆلەمێرگ، رۆژی 3ـی ئەم مانگە دەستی بە رێپێوان کرد و ئەمڕۆ (دووشەممە 8-7-2024) کۆتایی دێت.
رێپێوانەکە بە بەشداریی تولای هاتیمئۆغوڵڵاری، هاوسەرۆکی دەم پارتی و ژمارەیەک لە پەرلەمانتار و بەرپرسانی ئەو پارتە بەڕێوەدەچێت.
بەگوێرەی پلانەکە، بەشداربووانی رێپێوانەکە کاژێر 13:00 لە ناوچەی دەپین لە پارێزگای جۆلەمێرگ کۆدەبنەوە.
رۆژی 3-6-2024 حکومەتی تورکیا سەرۆکی شارەوانیی جۆلەمێرگی لەکارلادا و قەییومی لە شوێنەکەی دانا.
دەم پارتی لەو رۆژەوە بەردەوامە لە رێپێوان و چالاکیی جۆراوجۆر. چالاکیەکان لە شار و شارۆچکە جیاوازەکانی باکووری کوردستان و تورکیا بەڕێوەدەچوون.
رۆژی 31-3-2024 هەڵبژاردنی شارەوانییەکانی تورکیا لە باکووری کوردستان و تورکیا بەڕێوەچوو. محەممەد سدیق ئاکش، بەربژێری دەم پارتی بۆ پۆستی سەرۆکی شارەوانیی جۆلەمێرگ رێژەی 48.91٪، عیسمەت ئۆلمەزی بەربژێری ئاکپارتی 46.57٪ و جونەیت ئۆزبەکی بەربژێری جەهەپە 1.42٪ـی دەنگەکانیان بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ