رووداو دیجیتاڵ
بەڕێوەبەرایەتیی پۆلیسی هەولێر دەڵێت، 6 کەسیان دەستگیر کردووە کە هەڕەشەی بڵاوکردنەوەی وێنەی نەشیاویان لە کچێک کردووە.
رۆژی سێشەممە 8ی نیسانی 2025 بەڕێوەبەرایەتیی پۆلیسی هەولێر لە راگەیێندراوێکدا بڵاویکردەوە، "هاووڵاتییەک سکاڵای تۆمار کرد، لەسەر ئەوەی دزی لە ماڵەکەی کراوە. دوای لێکۆڵینەوە، بۆمان دەرکەوت 6 تۆمەتبار هەڕەشەیان لە کچی ئەو دادخوازە کردووە بە بڵاوکردنەوەی وێنەی نەشیاو."
لە راگەیێندراوەکەدا هاتووە، "کچەکە لەترسی هەڕەشەکان، هەرچی زێڕ و پارە لە ماڵەکەیان هەبووە و لە جانتایەکدا بووە، هەمووی بۆ تۆمەتبارەکان بردووە؛ بۆیە بە بڕیاری دادوەری لێکۆڵینەوە، سەرجەم تۆمەتبارەکان دەستگیر کران و لێکۆڵینەوەش لەگەڵیان بەردەوامە."
سەرچاوەیەک لە پۆلیسی هەولێر بە رووداوی گوت، "ئەو 6 کەسە تەمەنیان لەنێوان 20 بۆ 25 ساڵدایە و وەکو باند کاریان کردووە، بەردەوام هەڕەشەیان لە کچەکە کردووە لە بەرامبەر بڕێکی زۆری پارە و زێڕدا."
.jpeg&w=3840&q=75)
