لە رووداوێکی هاتووچۆدا لە رووها چوار ئەندامی خێزانێک گیانیان لەدەستدا

05-04-2024
هێمن عەساف
A+ A-
رووداو دیجیتاڵ
 
لە رووداوێکی هاتووچۆدا لە پارێزگای رووهای باکووری کوردستان، چوار ئەندامی خێزانێک گیانیان لەدەستدا. 
 
ئێوارەی ئەمڕۆ هەینی 5ـی نیسانی 2024، رووداوێکی هاتووچۆ لەنێوان ئۆتۆمبێلێک و بارهەڵگرێک لەسەر رێگەی سەرەکیی نێوان رووها-مەلەتێ لە نزیک شارۆچکەی بۆزۆڤا لە رووها روویدا و لە ئەنجامدا تەواوی ئەندامانی خێزانێک کە لە چوار کەس پێکهاتبوون، گیانیان لەدەستدا و شوفێری بارهەڵگرەکەش برینداربوو.
 
ئەو خێزانەی لەم رووداوەدا گیانیان لەدەستدا، بەمەبەستی بەسەربردنی پشووی جەژنی رەمەزان لە رووهاوە دەگەڕانەوە مەلەتێ.
 
لە رووداوەکەدا شوفێری ئۆتۆمبێلەکە بەناوی باتوهان ئاکاری تەمەن 36 ساڵ کە پۆلیسی بەڕێوەبەرایەتیی ئاسایشی رووها بوو، لەگەڵ ئەیلەمی هاوژینە دووگیانەکەی تەمەن 33 ساڵ و توناهانی کوڕە تەمەن حەوت ساڵان و ئومای تەمەن سێ ساڵانی کچی دەستبەجێ گیانیان لەدەستدا. 
 
بەڕێوەبەرایەتیی پۆلیسی هاتووچۆی رووها، هۆکاری رووداوەکەی بۆ تیژڕۆیی ئۆتۆمبێلەکە و لە کۆنترۆڵ دەرچوونی گەڕاندەوە کە بووە هۆی ئەوەی بچێتە رێڕەوی بەرامبەری و رووبەڕوو خۆی بە بارهەڵگرەکەدا بکێشێت. 
 
بەگوێرەی ئامارەکانی بەڕێوەبەرایەتیی گشتیی هاتووچۆی تورکیا، ساڵی 2023 لە سەرتاسەری تورکیا و باکووری کوردستاندا 555 هەزار و 668 رووداوی هاتووچۆ روویاندا؛ بەو هۆیەوە دوو هەزار و 984 کەس گیانیان لەدەستدا و 354 هەزار و 323 کەس بریندار بوو.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

  ماردین محەممەد، ئەو گەنجەی لە رووداوەکە گیانی لەدەستداوە.

لە هەولێر گەنجێک بە رووداوی هاتووچۆ گیانی لەدەستدا

دوو ماتۆڕسوار لە هەولێر خۆیان بە دارێکدا کێشا و یەکێکیان گیانی لەدەستدا؛ پەیامنێری رووداو دەڵێت، ئەوەی دیکەیش بە سەختی بریندارە و لەژێر چاودێریی چڕی پزیشکدایە.