لە هەولێر ئاوارەکانی کەرکووک لە رەوشێکی خراپدا دەژین

رووداو - هەولێر 

لە پرۆژەی دەشتی بەهەشت لە هەولێر 25 خێزانی ئاوارەی کەرکووک و دوزخورماتوو نیشتەجێن، چەند خێزانێک لە دەرەوە نایلۆنیان هەڵداوە گوزەرانی تیێدا دەکەن، تاریکی و سەرمای شەو خێزان و منداڵەکانی زیاتر ماندووکردوە. 

خەڵکە ئاوارەکە ماڵ و دوکانیان سووتێنراوە و تاڵنکراون ئەوان دەڵێن "گەڕانەوە مەترسیدارە بۆ ماڵە کوردەکان، چەکداری حەشدی شەعبی و ئەو هێزانەی عێراق لە کەرکووک و خورماتوون ئامانیان نییە". 

محەممەد خورشید بەرپرسی لقی 3ـی پارتی دەڵێت "بەپێی ئاماری قایمقامیەتی کەرکووک رۆژانە 100 بۆ  150 خێزانی عەرەب کارتی نیشتەجێبونیان لە کەرکووک بۆ دەردەهێنرێ و بەوە رێیان بۆ خۆش دەکەن لە کەرکووک بۆ هەمیشە بمێننەوە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger