فێستیڤاڵی ترێ رەشە لە میراوێی ورمێ بەڕێوەچوو

ترێ رەشە یەکێکە لە بەرهەمە گرنگەکانی ناوچەکە، بەڵام نەبوونی کارگەی تایبەت بە سوودوەرگرتن لێی، دەبێتەهۆی ئەوەی باخەوان و خاوەن رەزەکان بەرهەمەکەیان بە نرخێکی کەم بفرۆشن.

لە فێستیڤاڵەکەدا جۆرەکانی ترێ، بەتایبەتی ترێ رەشە و بەرهەمەکانی وەک سرکە و مێوژ، هەنگوین و پیشەسازیی دەستیی ناوچەکە نمایش کران.

کەشوهەوای سنوورەکە بۆ بەرهەمەکە گونجاوە؛ بەشی زۆری خاوەن باخ و رەزەکان پەینی کیمیایی و قڕکەر بەکارناهێنن و ئەوەش وا دەکات بەرهەمەکە سرووشتی بمێنێتەوە.

لە سنووری میراوێ زیاتر لە سێ هەزار هێکتار باخی ترێ رەشە هەیە کە بە شێوەیی بەراو و دێمە و ساڵانە هەر هێکتارێک نزیکەی 8 تۆن بەرهەمی هەیە.