رووداو دیجیتاڵ
سەرۆکی تۆڕی شەمش بۆ چاودێری هەڵبژاردن دەڵێت، لە کەمپینەکانی هەڵبژاردندا 301 پێشێلکاری یاسایی تۆمار کراون.
هۆگر چەتۆ، سەرۆکی تۆڕی شەمس ئەمڕۆ هەینی بە تۆڕی میدیایی رووداوی گوت: "پێشێلکارییەکان پێش دەستپێکردنی بانگەشەی هەڵبژاردن لە عێراق و هەرێمی کوردستان تۆمار کراون".
بە گوتەی سەرۆکی تۆڕی شەمس، هەموو ئەوانەی پێشێلکارییان کردووە بەگوێرەی رێکارەکانی کۆمیسیۆن سزا دەدرێن.
هۆگر چەتۆ گوتی: "بۆ بەڕێوەچوونی هەڵبژاردن 6 هەزار و 300 چاودێری هاوپەیمانی تۆڕ و رێکخراوە نیشتمانییەکان چاودێر دەبن، کە لەنێویاندا تۆڕەکەمان رۆڵی سەرەکیی هەیە".
ئەمڕۆ یەکەم رۆژی بانگەشەی هەڵبژاردنی پەرلەمانی عێراقە، کە بڕیارە 11-11-2025 بەڕێوەبچێت.
