رووداو دیجیتاڵ
کەشناسیی هەرێمی کوردستان دەڵێت، پلەی گەرما دادەبەزێت. کەشناسێکێش دەڵێت، خۆڵبارین و خێرایی با ئەمشەو کۆتایی دێت.
ئەمڕۆ چوارشەممە کەشناسیی هەرێمی کوردستان بڵاویکردەوە، "ئەمڕۆ ئاسمان نیمچە هەور دەبێت لەگەڵ تۆزێکی سووک. هەروەها ئەگەری کەمێک نمەباران لە ناوچە شاخاوییە سنوورییەکان هەیە و بەراورد بە دوێنێ، پلەی گەرما یەک بۆ دوو پلە دادەبەزێت."
لە دوێنێوە خۆڵبارین بەشێکی ناوچەکانی هەرێمی کوردستانی گرتووەتەوە، بەتایبەت سنووری سلێمانی، هەڵەبجە و ئیدارەی سەربەخۆی گەرمیان.
محەممە کەمال، شارەزای کەشناسی ئەمڕۆ بە رووداوی گوت، "لە نزیک کاژێر 09:00ـی ئەمشەوەوە کاریگەریی خێرایی با نامێنێت و دوای چەند کاژێرێکێش خۆڵبارین و تەپوتۆز نامێنێت و کەشەکە ئاسایی دەبێتەوە".
لە راگەیێندراوێکی دیکەدا هەر ئەمڕۆ کەشناسیی هەرێمی کوردستان بڕی بارانبارینی چەند ناوچەیەکی هەرێمی کوردستان بڵاوکرەوە کە بەم شێوەیە بووە:
رانیە 9.2 ملیمەتر، چەمچەماڵ 5.5 ملیمەتر، یاخسەمەر 13.5 ملیمەتر، سەرکەپکان 3.4 ملیمەتر، قەڵادزێ 9.2 ملیمەتر، هەڵشۆ 19.6 ملیمەتر، حاجى ئۆمەران 0.2 ملیمەتر، خورماتوو 0.6 ملیمەتر.
لەبارەی کەشوهەوای سبەی پێنجشەممەوە کەشناسی دەڵێت، ئاسمان پەڵە هەور دەبێت و پلەی گەرما هاوشێوەی ئەمڕۆ دەبێت و بەمشێوەیەیە:
هەولێر: 33 پلەی سیلیزی
سلێمانی: 32 پلەی سیلیزی
دهۆک: 33 پلەی سیلیزی
کەرکووک: 37پلەی سیلیزی
هەڵەبجە: 34 پلەی سیلیزی
زاخۆ: 33 پلەی سیلیزی
حاجی ئۆمەران: 24 پلەی سیلیزی
سۆران: 33 پلەی سیلیزی
گەرمیان: 38 پلەی سیلیزی
