پاسێک لە باکووری کوردستان وەرگەڕا و دوو کەس بەهۆیەوە گیانیان لەدەستدا

رووداوەکە بەرەبەیانیی ئەمڕۆ (چوارشەممە، 12-4-2025) لە شارۆچکەی کامیلئاڤا روویدا. 

رووداوەکە بەمشێوەیە بووە؛ پاسێک کە سەرنشینەکانی لە پارێزگای یاڵۆڤای تورکیاوە بۆ ئەرزینگانی باکووری کوردستان دەگواستەوە، لە شارۆچکەی کامیلئاڤا لە رێگە دەرچوو و وەرگەڕا. 

عەلی یەرلیکایا، وەزیری ناوخۆی تورکیا رۆژی سێشەممە (1-4-2025) رایگەیاند، لە رۆژانی شەممە، یەکشەممە و دووشەممەدا 663 رووداوی هاتووچۆ لە باکووری کوردستان و تورکیا روویانداوە، لە ئەنجامدا 27 کەس گیانیان لەدەستداوە و 3 هەزار و 619 کەسیش بریندار بوون.

پشووی 9 رۆژەی جەژنی رەمەزان رۆژی 30ـی ئادار لە باکووری کوردستان و تورکیا دەستیپێکرد و تاوەکو رۆژی یەکشەممەی هەفتەی داهاتوو بەردەوام دەبێت.