رووداو دیجیتاڵ
کەشناسی و بوومەلەرزەزانیی عێراق دەڵێ، بوومەلەرزەیەک لە ئیدارەی سەربەخۆی گەرمیان لە پارێزگای سلێمانی روویداوە. بوومەلەرزەکە لەلایەن بەشێک لە خەڵکی ناوچەکەوە هەستی پێکرا.
دەستەی کەشناسی و بوومەلەرزەزانی عێراق لە راگەیێندراوێکدا بڵاویکردەوە، دوانیوەڕۆی ئەمڕۆ شەممە، 1ی تشرینی دووەمی 2025، کاژێر 14:25 بوومەلەرزەیەک بە گوڕی 4.3 پلە لە سنووری قەزای کفری روویدا.
بەگوێرەی دەستەی کەشناسی و بوومەلەرزەزانی عێراق، بوومەلەرزەکە بە دووری 25 کیلۆمەتر لە باکووری رۆژهەڵاتی قەزای کفری روویداوە و "لەلایەن بەشێک لە هاونیشتمانییانەوە هەستی پێکراوە".
محەممەد کەمال، شارەزای کەشناسی و بوومەلەرزەزانی بە رووداوی گوت: "بوومەلەرزەکە بە قوڵایی 17 کیلۆمەتر بووە".
بەگوێرەی ئاماری بەڕێوەبەرایەتیی گشتیی کەشناسی و بوومەلەرزەزانی، لە مانگی تەمموزدا 56 بوومەلەرزە لە هەرێمی کوردستان تۆمار کراون.