ئەندامێکی کۆمارییەکانی ئەمریکا: ترەمپ هاوکارییەکان بۆ ئیسرائیل زۆر و بۆ ئۆکراینا کەمدەکاتەوە

د. ئاشلی ئانسارا، ئەندامی پارتی کۆماریی ئەمریکا لە هەڤپەیڤینێکدا لەگەڵ رووداو باسی هەردوو بەربژێری ئەمریکا بۆ سەرۆکایەتیی وڵات دەکات و ترەمپ بە پەسندتر دەزانێت. دەشڵێت، کامالا هاریس لەو کاتەوەی بووەتە جێگری سەرۆکی ئەمریکا رووخسارێکی ناسراوە، "لە چارەسەری کێشە نێودەوڵەتی و نێوخۆییەکاندا هیچ ئەزموونێکی نییە. بۆیە پێم وایە ئەمریکییەکان دەتوانن زیاتر لە کامالا متمانە بە ترەمپ بکەن."

ئەو ئەندامەی کۆمارییەکان سیاسیەتی ئەمریکا بە فیلمی هۆڵیوود دەچوێنێت: " دەزانیت، سیاسەتی ئەمریکا رێک وەک کۆمیدیایە. گەلی ئەمریکی تەماشای دەکەن. ئەوان حەزیان لەوەیە کۆمیدیایەک لەسەر سەکۆکە بێت. بە راستی بووەتە بەرهەمی هۆڵیوود."

د. ئاشلی ئانسارا: ئێستا راپرسییەکان وای پیشان دەدەن کە ترەمپ لەپێش هەر بەربژێرێکی دیموکراتەکانەوەیە. رەنگە لای دیموکراتەکان کامالا هاریس کاخەزی ژمارە یەک بێت، بەڵام هێشتا ئەوە پشتڕاست نەکراوەتەوە.

د. ئاشلی ئانسارا: دۆناڵد ترەمپ هەڵوێستی خۆیی روون کردووەتەوە. هەموو ئەو هاوکارییە داراییەی بۆ ئۆکراینا دەڕوات دەوەستێت. هەروەها ئەوەیشی خستەڕوو کە دەیەوێت راستەوخۆ لەگەڵ پووتینی سەرۆکی رووسیادا دانوستاندن بکات بۆ ئەوەی جیاوازییەکان لەبارەی ئۆکرایناوە یەکلایی بکاتەوە. لەبارەی رۆژهەڵاتی ناوەڕاستیشەوە، دیسانەوە هەڵوێستی ترەمپ زۆر روونە. ئەمریکا بە هەموو نرخێک پشتی ئیسرائیل دەگرێت. ئەگەرچی باوەڕم وایە ترەمپ لەو باوەڕەدایە کە ئێستا دروستکردنی دوو دەوڵەتی ئیسرائیل و فەلەستین لە تەنیشتی یەکدیدا تاکە چارەسەری بەردەستە و سەرنجەکە لە رۆژهەڵاتی ناوەڕاستدا لەسەر ئاساییکردنەوەی پەیوەندیی ئیسرائیل و وڵاتانی عەرەبی دەبێت.

د. ئاشلی ئانسارا: ترەمپ و هەموو سەرکردە کۆمارییەکان باوەڕیان وایە کە پێویستیان بەوەیە حکومەتی فیدراڵی پاک بکەنەوە و، گەندەڵیی زۆر لەناو حکومەتی فیدراڵیدا هەیە بە تایبەتی لەناو ئێف بی ئای و سی ئای ئەی و وەزارەتی ناوخۆ و وەزارەتی داددا. ئەمە لە ئەجێنداکەیدا ژمارە یەکە دەبێت، چونکە لەم دەزگایانەدا لە هەموو ئاستەکاندا گەندەڵیی بینیوە چ لە شێوازی بەڕێوەبردنیاندا یا لە ئاستی سکرتاریەتی باڵادا. ئەوە ئەجێندای ژمارە یەکیەتی. ژمارە دوویشی سنوور و کۆچی نایاسایی سنووری باشووری ئەمریکا دەبێت. ئەوە دووەم بابەتی ئەجێنداکەی دەبێت. سێیەم بابەتی ئەجێنداکەی هاوسەنگیی بازارگانی لەگەڵ چین دەبێت. ئەمە بابەتێکی سەرەکی دەبێت، چونکە ئەمە لە ئەمریکا کاریگەریی لەسەر پێوەرەکانی هەڵاوسان هەیە و لە وڵاتانی دەرەوەیش کاریگەریی لەسەر بەهای دۆلار هەیە.

د. ئاشلی ئانسارا: زۆر کەس هەمان پرسیار دەورووژێنن، گەرچی کۆمارییەکان لەگەڵ ترەمپدا نۆ بەربژێریان هەیە. خەڵک ترەمپ هەڵدەبژێرن، ئەوە بژارەی خەڵکە نەک سەرۆکی حیزبی کۆماری. خەڵک دەبێت بڕیاری خۆیان بدەن. بە دڵنیاییەوە ترەمپ زیاتر لە 65٪ی دەنگی کۆمارییەکان دەباتەوە. دووەم کەس کە لێیەوە نزیک بێت حاکمی فلۆریدایە کە تەنانەت بە پاشخانە لاتینییەکەیشییەوە نەیتوانی زیاتر لە 26٪ بهێنێت.

د. ئاشلی ئانسارا: نا، ئەگەر تۆ ئاشنای فەلسەفەی دەنگدانی ئەمریکییەکان بیت، کلیلەکە ئەوەیە کە ترەمپ پێشینەیەکی دەوڵەمەندی هەیە. ئەمریکییەکان دەزانن ترەمپ چییە. دەزانن ئەجێنداکەی  و فەلسەفەکەی چییە. کامالا هاریس لەو کاتەوەی بووەتە جێگری سەرۆکی ئەمریکا رووخسارێکی ناسراوە، لە چارەسەری کێشە نێودەوڵەتی و نێوخۆییەکاندا هیچ ئەزموونێکی نییە. بۆیە پێم وایە ئەمریکییەکان دەتوانن زیاتر لە کامالا متمانە بە ترەمپ بکەن.

د. ئاشلی ئانسارا: بەڵێ، بە دڵنیاییەوە ئەویش دەنگی زۆری ئافرەتان و ئەفریقایی و ئەمریکایی و لاتینییەکان بە دەست دەهێنێت، بەڵام دەیڵێمەوە، لە کۆتاییدا ئەمریکاییەکان خۆپەرستن و وەک گەلانی دیکە نین و بیر لە ئایدۆلۆجیا و بەرژەوەندیی خۆیان دەکەنەوە، بیر لەوە دەکەنەوە کە سەرۆک دەتوانێت چی بۆ خەڵک و تاکی ئەمریکی بکات. ئەوان دەنگی زۆریان هەیە. پێموایە زۆر ئافرەت لە ئەمریکا و بە تایبەتی لەناو کۆمەڵەی کریستیانە ئینجیلییەکاندا هەن کە نزیکەی 60 ملیۆن دەنگدەر دەبن و بڕوایان بە ئەجێندای پارێزکارانەی حیزبی کۆمارییە. بۆیە هەموو ئافرەتان لایەنگری دیموکراتەکان نین. نا ئەوە راست 

د. ئاشلی ئانسارا: بایدن رەگێکی قووڵی لە کۆمەڵگەی ئەمریکاییدا هەیە. 50 ساڵە لەناو سیاسەتدایە. ئەو لە ئەمریکا گەنجترین کەس بووە کە بۆ سیناتۆری هەڵبژێردراوە. بە راستی کامالا هاریس ئەو ئەزموونەی نییە. دوو ساڵ لەمەو پێش چەند هاوڕێیەکی باشی حیزبی دیموکرات پرسیارێکیان خستە بەرباس کە ئایا کامالا هاریس ئامادەیی تێدایە لە ترەمپ بباتەوە. وەڵامەکە "نەخێر" بوو. سەرەڕای ئەوەیش کامالایان هەڵبژارد، لەبەر ئەوەی بایدن و ئۆباما و کلینتۆنەکان پشتیوانیی کامالایان کرد.

د. ئاشلی ئانسارا: دەزانیت، سیاسەتی ئەمریکا رێک وەک کۆمیدیایە. گەلی ئەمریکی تەماشای دەکەن. ئەوان حەزیان لەوەیە کۆمیدیایەک لەسەر سەکۆکە بێت. بە راستی بووەتە بەرهەمی هۆڵیوود. بەڵام خاڵە سەرەکییەکە لەسەر ئۆکراینا و رۆژهەڵاتی ناوەڕاست و بازرگانی لەگەڵ چین و کۆچی نایاسایی دەبێت. بابەتێکیش کە زۆر گرنگ دەبێت بریتییە لە لەباربردن. ئایا لە ئەمریکا ئافرەت مافی هەیە بڕیاری لەباربردنی منداڵ بدات، یان دەوڵەت نەک حکومەتی فیدراڵی دەیەوێت رێکاری لەباربردن بەرزەفت بکات؟ ئەوە پرسیارێکی زۆر سەرەکییە.

د. ئاشلی ئانسارا: پێموایە دوای هەوڵی تیرۆرکردنی ترەمپ ئیلۆن مەسک بە ئاشکرا پشتیوانیی ترەمپ دەکات. هەڵوێستی زۆر روون بوو کە پێیوابوو گرفتەکە لە حکومەتی فیدراڵییەوەیە و لەناویشیدا هەواڵگری. زۆر کۆماریخواز هەن کە پێیانوایە حیزبی کۆماری شکستی هێناوە، چونکە لە حیزبی کۆماریدا گەلێک سیاسیی گەنج هەن کە هێشتا دەرنەکەوتوون. منیش هەمان هەستم هەیە. بۆچی دەبێت پیرەپیاوێکی 78 ساڵە هەڵبژێرین تا ببێتە سەرۆک؟ ئێمە نەوەی دیکەی 40 و 45 ساڵمان هەن کە ئامادەن. پێموایە پرسەکە پەیوەندیی بە راگەیاندنەکانەوە هەیە. راگەیاندن پڕوپاگەندەی بۆ ترەمپ کردووە وەک باشترین کەس کە ئامادە بێت.

د. ئاشلی ئانسارا: خۆزگە بمتوانیایە وەڵامی ئەوە بدەمەوە. ببوورە. هیچ کەس ناتوانێت وەڵامی ئەو پرسیارە بداتەوە. سیاسەتی ئەمریکا سیستمێکی نامۆیە، وەک باخچەی ئاژەڵانە. کاتێک بۆ باخچەی ئاژەڵان دەچیت و فیل، شێر و مەیموون و ئەو ئاژەڵانە دەبینیت، نازانێت لە کۆتاییدا کێ دەیباتەوە.

د. ئاشلی ئانسارا: زۆر سوپاس، رۆژێکی خۆش.

د. ئاشلی ئانسارا: خوات لەگەڵ.