هەژار موکریانی: ناکۆکی لەنێوان خۆماندا زۆرترە لە ناکۆکی لەگەڵ دووژمنەکانمان

 

هەژار موکریانی پەیوەندییەکی زۆر بەهێزی لەگەڵ بارزانی نەمردا هەبوو، بەدرێژایی شۆڕشی ئەیلوول و دوای هەرەسی 1975یش. دوای کۆچی دوایی بارزانی نەمر و ئیدریس بارزانی، ساڵانە بۆ بیرەوەرییان شیعری نایابی نووسیون. 

 

لە دوای رێککەوتننامەی 11ی ئاداری 1970 لەنێوان دەوڵەتی عێراق و شۆڕشی کوردستان دا، بە پشتیوانی مەلا مستەفا بارزانی، رێبەری شۆڕشی کوردستان بووە سەرۆکی دەستەی بەڕێوەبەری یەکێتیی نووسەرانی کورد و ئەندامی کۆڕی زانیاریی کورد. 

 

ئەم هەڤپەیڤینە لە رۆژی 2ی شوباتی 1991 لە پاریس لەلایەن وێنەگری نێودار سوارە مامەخەلانی لەگەڵ هەژار موکریانی کراوە، واتە تەنیا 19 رۆژ بەر لە کۆچی دوایی هەژار موکریانی لە رۆژی 21ی شوباتی 1991دا. بەشی زۆری پرسیارەکان لەلایەن حەمە عەزیزەوە کراون، کە یەکێکبووە لە کاربەدەستانی بارەگای بارزانی لە سەردەمی شۆڕشی ئەیلوول دا.

 

هەژار موکریانی لە مەهاباد نێژراوە، بەڵام نێوبانگ و خۆشەویستییەکەی لە هەموو پارچەکانی کوردستان هەیە.

 

هەموو مافێکی ئەم هەڤپەیڤینە بە ڤیدیۆ، نووسراو و دەنگەوە پارێزراوە بۆ تۆڕی میدیایی رووداو. 

 

لە هەڤپەیڤینەکەدا هەژار موکریانی، زۆر داخبارە بە ناکۆکی نێوخۆیی کورد، بەڵام لەو باوەڕەدایە کورد لەنێوناچێت و رۆژێک دەگاتە ئامانج. 

 

 

هەژار موکریانی: کاکە، من ساڵی 1921 مانگی شەش لەدایکبووم لە شاری مەهاباد (سابڵاخ) نەشچوومە قوتابخانە و شتی وا، لە منداڵییەوە مەلایەتیم خوێندووە تاوەکو پێگەیشتووم، تاوەکو ئەندازەیەک توانیومە فارسی فێرببم و هەندێکیش عەرەبیم خوێندووە ئەو دەمە. لە دێیەک بووم بە ناوی تەرەغە، لەوێ بووم، هێدی هێدی زەوقی شیعرم هەبوو بە کوردی شیعر بڵێم بە تایبەت ئەو کاتەی کە حیزبێک هەبوو، حیزبی ژێ کافیان پێ دەگوت (بۆ ئازادیی کوردستان) کاتێک ئەوە دامەزرا من زۆر حەزم لێ بوو، گوتیان، "وەڵڵا شاعیرمان زۆر دەوێت" ئیدی منیش کەیفم لە شاعیری نەبوو، بەڵام تەماشام کرد ئەوەی ئەوان پێویستیانە من دەتوانم. منیش بۆ یەکەم جار شیعرم گوت و قبووڵیان بوو، وردە وردە بۆ خۆم بووم بە شاعیری کوردی.

 

 

هەژار موکریانی: دروستبوونی کۆماری مەهاباد، حیزبێک دروستبووبوو کە کۆمەڵێکی زۆر رەشوڕووت و هەژار و بەستەزمان، خۆمان سەرمان بەیەکەوە دەنا و دەمانگوت، "ئێمە کوردین و کوردایەتیمان دەوێ"، بەبێ ئەوەی بزانین چۆن بۆی دەچین، هێدی هێدی زیادبووین و زیادمان کرد و توانیمان شتێک پەیدا بکەین. ئەو کاتەش دەرفەتەکە ئەوە بوو کە ناوچەکە لەژێر داگیرکاریی رووسەکان بوو بۆیە توانیمان سەر دەربێنین، لەبەر ئەوەی ئەوان نەیاندەتوانی دژی ئێمە راوەستن لە ترسی ئەوەی نەوەک ئێمە ببینە نۆکەری ئینگلیزان. توانیمان شتێک دروستبکەین. ئێمە دڵمان بە هەمووی خۆش بوو بە هەموو شتێک، هەر ئەوەندەی هەمان بێت، ئاڵایەکمان هەبێت چاومان لێی بێت، پێمان خۆش بوو.

 

 

هەژار موکریانی: ساڵێک.

 

 

هەژار موکریانی: ناوچەیەک بوو کە مافی بڕیاردانی هەبوو. کوردستانێکی ئازاد بوو.

 

 

هەژار موکریانی: وەکو گوتم ئەوکاتە حیزبێک هەبوو بەناوی (ژێ کاف)، بەر لەوەی حوکمیش بگرنە دەست ئەو حیزبە چالاکی دەکرد، هێشتا قازی محەممەدیشی تێدا نەبوو. کۆمەڵێک کورد بوون و پاشان وردە وردە توانییان گەشە بکەن و زۆرینەی خەڵکی ناوچەکە چوونە پاڵی. قازی محەممەدیش هاتە ناو حیزبەکە. منیش لەوکاتەدا شیعری نیشتیمانیم دەگوت، من و مام هێمن وەک دوو شاعیری میللی ناسراین. ئەوکاتە من لە رۆژنامە و لە رادیۆ کارم دەکرد. جگە لەوە نازانم چی دیکەت عەرز بکەم.

 

 

هەژار موکریانی: قازی محەممەد پیاوێکی زۆر رۆشنبیر و خوێندەوارێکی چاک بوو. خوێندەواریی مەلایەتی هەبوو، بەڵام وەکو مەلایان نەبوو، پیاوێکی وریا بوو و کوردستانی زۆر خۆشدەویست، ئیدی ئەوەندەی دەست دەڕۆیشت کە توانی. زیاتر لەوە نەبوو. هیچ کەمتەرخەمییەکی نەکرد، خوا هەڵناگرێ. بە شانازییەوە رووحی خۆی دانا.

 

 

هەژار موکریانی: عەرزت بکەم، پاش ئەوەی کە هێشتا کۆماری مەهاباد نەڕووخابوو من لە سەقز دەستگیرکرام لە شاری سەقز لەلایەن دەوڵەتی ئێرانەوە. من ئەندامی شاندی گفتوگۆ بووم لە نێوان دەوڵەت و قازی محەممەد، حکومەتی کوردستانی. منیان لە..

 

 

هەژار موکریانی: لە شاندی کوردیدا بووم. کۆمەڵێک بووین. کاتێک من مابوومەوە و ئەوانەی دیکە لەوێ نەمابوون، من دەستگیرکرام لەوێ بۆ ماوەی دوو مانگ پێش ئەوەی کە تێکبچێت. کە تێكچوو، قازی محەممەد بۆ یەکەمجار کە هاتبووە حەمامیان و بڕیار بدات کە ناچارن مهاباد رادەستبکەنەوە، داوای منی کردبوو ئازاد بکرێت، بە کۆتری نامەبەردا خەبەریان دابوو و منیان ئازاد کرد. لەوێشەوە لە ژێر چاودێریدا ئازاد کرام هەر لە ژێر چاودێریی ئەواندا و بە ئۆتۆمبێلی فەرماندەی هێزەکە، کە ناوی رەزمئارا بوو هاتمەوە بۆ بۆکان و شەو لەوێدا مامەوە و لەژێر چاودێریدا بووم. بۆ بەیانی دەرفەتم هێنا لە رێگەی هاوڕێ و ئەو شتانەوە هەڵاتم، ئەوان خەریکی خۆخڕکردنەوە بوون کە بچن بەرەو مهاباد، خۆیان و لەشکر و جەماعەت و عەشایەر و ئەوانەی وەکو جاش. لەو نێوەندەدا دەرفەتێکم بەدەستهێنا و رامکرد، لە مێشەی مەحموود ئاغا کە مێشەیەکی زۆر دوور و درێژ بوو وەکو دارستانێک بوو، لەوێوە خۆم دەرباز کرد و هاتم بەرەو عێراق، نۆ رۆژ بەڕێوە بووم تاوەکو گەیشتمە شاری سلێمانی هەڵاتم ئەو کاتە. من دەرچووم. زیاتر لەوە نازانم چی دیکەت عەرز بکەم.

 

 

هەژار موکریانی: ماوەیەک لە سلێمانی مامەوە. سەرەتای ساڵی 1947 بوو، لەوێ بووم کە چووینە ساڵی 1947، من لە کۆتایی 1946 گەیشتم. ماوەیەک لەوێ مامەوە و پاشان چوومە لای شێخ لەتیفی حەفید. لەگەڵ شێخ لەتیف چوومە سیتەک و لەوێ مامەوە. ئەو لەوێ ناسنامەی عێراقیی بۆ دەرکردم و ئیدی چووم بۆ بەغدا. ساڵانێکیش لە بەغدا مامەوە و بەدبەختیی زۆرم کێشا، پاشان نەخۆشکەوتم. نەخۆشیی سیل بڕستی لێبڕیم، بۆیە هەندێ دۆست و برادەر و بەتایبەتی کاکە زیاد، لەڕێی عەلی حەیدەر سلێمانەوە رەوانەی لوبنانیان کردم. دوو ساڵ لە لوبنان مامەوە. ئەو دوو ساڵە بۆ من هەلی خوێندنەوە و بیرکردنەوەی زۆر بوو، عەرەبییەکەشم بەهێز کرد. دوو ساڵ بەبێ کار لەسەر تەختێک راکشێی، مەگەر هەر بە خوێندنەوە بگوزەرێت. پاش دوو ساڵ و 10 رۆژ لە لوبنان دەرچووم و هاتمەوە بۆ بەغدا. لە بەغداش دەستمکردەوە بە کار و بوومە شاگردی وێنەگر.

 

 

هەژار موکریانی: ئەوە جاری دواتربوو کە چوومە سووریا. پێش ئەوە لەگەڵ هەندێ کەس لە سووریا ئاشنایەتییەکم پەیداکردبوو، لەگەڵ ماڵی حاجۆ. لە بەغداش دووکانی وێنەگریم هەبوو، رۆژێک گوتیان پۆلیس دێت بتگرن، منیش هەڵاتم و چوومە سووریا. نزیکەی سێ ساڵ لەوێ مامەوە. لە جزیرێ بووم و جاروباریش دەچوومە شام چونکە دۆست و برادەرم لەوێ هەبوون. کە مەلا مستەفا لە یەکێتیی سۆڤیەت گەڕایەوە منیش هاتمەوە بۆ عێراق و چوومەوە بەغدا.

 

 

هەژار موکریانی: هەستی کوردایەتی هەبوو، حیزبێک هەبوو، ئێستاش هەر هەیە، بەڵێ کوردایەتی هەبوو، لەگەڵ ئۆسمان سەبری دۆستایەتم هەبوو، کۆمەڵێک بوون، بەڵام بەڕاستی بڵێم، لەڕووی جەماوەرەوە، ئەوەی کە پارتی لە عێراق هەیبوو، ئەوان بەو ئەندازەیە نەبوون.

 

 

هەژار موکریانی: ساڵەکانی 1956 و 1957، 1958 هاتمەوە بە نزیکەیی دوو ساڵ و نیو لە نێوەندەدا بووم.

 

 

هەژار موکریانی: لە ساڵی 1958 مەلا مستەفا هاتەوە، لە ساڵی 1959، مەلا مستەفا گوتی، "دەبێ بچیتە رووسیا"، چوومە ئەوێ و ساڵێک لەوێ بووم.

 

 

هەژار موکریانی: ئەوە من بووم.

 

 

هەژار موکریانی: بەڵێ من بووم.

 

 

هەژار موکریانی: بەڵێ هەمبوو، بەو ناوەوە بە ناوێکی خوازراو

 

 

هەژار موکریانی: بەڵێ راستە.

 

 

هەژار موکریانی: ئەوکاتە لە بەغدا بووم. سەرەتا هەر لە بەغدا مامەوە و دەچووم پیتاکم بۆ حیزب کۆدەکردەوە. لە کۆتاییدا هێشتا پێیان نەزانیبووم کە من رۆیشتم.

 

 

هەژار موکریانی: زستان بوو کە بەعسییەکان کودەتایان کرد، من لە سەرەتای بەهار رۆیشتم.

 

 

هەژار موکریانی: بەڵێ لەو ساڵەدا چووم.

 

 

هەژار موکریانی: ساڵی 1963، چ کاتێک بوو ئەوان هاتنە سەر دەسەڵات؟

 

 

هەژار موکریانی: من ئەو کاتە بوو چوومە نێو رێزی شۆڕش.

 

 

هەژار موکریانی: هەتا کۆتاییهات، دوایینجار خۆت دەزانی کە هاتمەوە بۆ ئێرە.

 

 

هەژار موکریانی: بەڵێ جاروبار لە رۆژنامە کارم دەکرد، بەڵام زۆرتر لە ئیزگە بووم و شتم بۆ دەنووسین.

 

 

هەژار موکریانی: ئەو کاتە لەگەڵ جەماعەتی مەلا مستەفا هاتمەوە بۆ دیوی ئێران، چوومە کەرەج، ماوەیەک لە مهاباد بووم و چوومە کەرەج.

 

 

هەژار موکریانی: تەمەنێکی باشم بەڕێکردبوو، کاتێک شۆڕشی خومەینی قەوما من توانیم کتێبەکانم، شەڕەفنامە و دیوانەکەم چاپ بکەمەوە کە لەو دیو کردبوومن.

 

 

هەژار موکریانی: بەڵێ

 

 

هەژار موکریانی: شەڕەفنامە لە بەغدا چاپم کردبوو، لە بەغدا ئەو کاتەی کە لە 1970کان ماوەیەک کە لە بەغدا بووم بۆم چاپکرا، دیوانەکەشم هەر لە شۆڕش چاپ کردووە (هەژار بۆ کوردستان)، خەیامیشم هەر لە شاخ چاپ کردووە.

 

 

هەژار موکریانی: پاشان کە لێرە، چووینەوە لە ئێران، وردە وردە خەریکی فەرهەنگی هەمبانەبۆرینە بووم. کتێبێکی ئەبو عەلی سینام بە حەوت بەرگ وەرگێڕاوە لە عەرەبییەوە بۆ فارسی بۆ یەکەمجار، کە پێشتر کەس نەیتوانبوو وەریبگێڕێت.

 

 

هەژار موکریانی: قوربان ئەوە لە سووریا من مەم و زینم وەرگێڕا لە شێوەزاری کورمانجییەوە بۆ سۆرانی، لە سووریا کردوومە، بەڵام تەنیا نووسین بوو. لە عێراق مەلا مستەفا بڕیاریدا کە بۆم چاپ بکەن. ئەوکاتە من لە مۆسکۆ بووم کە لە عێراق چاپ دەکرا، بەڵام جارێکی دیکەش لە تاران چاپمکردەوە.

 

 

هەژار موکریانی: بەڵێ تەواوم کردووە، گوتیان دەبێ نیشانی خەڵکی دیکەی بدەین تەماشایی بکەن، گوتم "باشە کەیفی خۆتانە." ئەوەشم تەواوکردووە، زۆریش لەگەڵی ماندوو بووم.

 

 

هەژار موکریانی: قورئان گەورەترین ئەدەبی جیهانییە. بۆ ئەو خەڵکەم وەرگێڕاوە و پێموابوو پێویستە. جگە لەوەش پێموابوو نابێ بە تەنیا مەلاکان قۆرخی بکەن و هەرچۆنیان ویست بڵێن خودا وەهای فەرمووە، ئەمە بەلای منەوە خزمەتێک بوو بە کورد.

 

 

هەژار موکریانی: بیرەوەریی خۆم ئەو کاتەی نەخۆش بووم نزیکەی 600 لاپەڕەم لێ نووسیبووەوە و ئێستاش دەمەوێ هەندێکی دیکەی لێ تەواو بکەم، چونکە کە لە ئێران بووم، ئەوەم نەنووسیوەتەوە. ئیدی هەندێک شتی دیکە ئەگەر کاتم هەبێت پێم وایە دەبێت تەواوی بکەم. هەرچەندە دەزانم چاپ ناکرێ.

 

 

هەژار موکریانی: ئەگەر ئاگات لە ئێران هەبێت، دەزانی بۆچی؟

 

 

هەژار موکریانی: منداڵی و لاویم کوا هەبووە؟ هەتا حەزی پێ بکەم؟ هەر ئەو شەڕەشەقە بووە، هەڵاتن و ترس و شتێکی خۆشی تێدا نییە، بەڵێ ئەوە ئاساییە ئەو کاتە پیاو گەنج بووە و ئازا بووە و توانیویەتی کار بکات، بە دڵێکی خۆشەوە و عاشقی کوردستانێکی.. بەبێ ئەوەی بزانین چۆن دەبێ بیکەین کردوومانە، زۆر خەریک بووین..

 

 

هەژار موکریانی: وەڵڵاهی، بڵێم چۆن؟ کاکە ئەمە کاک جەمال نەبەز رۆژێکیان وێنەیەکی پێ بوو گوتی، "لە پشتی ئەو وێنەیە شیعرێکم بۆ بنووسە"، من ئەو کاتە ئەو شیعرەم بۆ نووسی، ئیدی گەورە بوو و زۆر مایەوە، دەرفەتەکە ئەوە بوو کە ئەو گوتی، "لە پشتی ئەو وێنەیە شتێک بنووسە"، ئیدی نازانم وێنەکە ماوە یان نا، بەڵام لە لای جەمال نەبەز مایەوە.

 

 

هەژار موکریانی: لە بەغدا بووم.

 

 

هەژار موکریانی: ناتوانم بڵێم ئەوە وەڵامێک بووە بۆ کەسێکی دیاریکراو، بەڵام دەمزانی خەڵک هەن ئەو جۆرە قسانە دەکەن، ئەوە وەڵامە بۆ ئەوان.

 

 

هەژار موکریانی: ئەوانەی لەسەر مەلا مستەفا نووسیومن هێشتا چاپ نەکراون. جگە لەوانە هیچی دیکەم نییە. ئەوانەی پێشووش هەندێکیان چاپ نەکرابوون، بۆ نموونە هەندێ شیعر کە بەسەر ستالیندا گوتراون، ئەو سەردەمە باوەڕێکی گەورەمان بە ستالین هەبوو، چوزانین لە کۆتاییدا بەوجۆرەی لێدێت.

 

 

هەژار موکریانی: ئەوانە هەموویان چاپکراون.

 

 

هەژار موکریانی: هەموویان چاپکراون.

 

 

هەژار موکریانی: چاوەڕێ بووم لەم رۆژانەدا بەرگی دووەمیم بۆ بهێننە ئێرە، بەڵام چاپ نەکراوە، لە ژێر چاپدایە، هەردوو بەرگیشی پێکەوە بە یەک کتێب چاپ دەکرێت، بڕیار بوو لێرە پێم بگات و بتاندەمێ، بۆ دۆست و برادەر، بەڵام دیارە هێشتا چاپەکەی تەواو نەبووە، دواتر بۆتان دەنێرم.

 

 

هەژار موکریانی: بەڵێ راستە

 

 

هەژار موکریانی: ئەوەی فەرمووت زۆر شتێکی هەستیارە، بەڵام من نازانم زۆر بە سەیر لێکی دەدەمەوە، ئایا میللەتێک هەزار ساڵە هەرگیز ئازادی بەخۆیەوە نەبینیوە، هەرگیز دڵسۆزێکی بەخۆیەوە نەبینیوە، ئیدی چی دروستدەبێت؟ بەڵێ، ئەگەر لێرە بەدواوە لاوانی کورد بیر لەوە بکەنەوە بخوێنن، ئایا رێگەی خوێندنەکەشت دەدەن؟ کێ رێگەی ئازادیت پێدەدات، کێشەیەکی زۆر گەورەیە، من قسە لەسەر چی بکەم؟ وەڵڵا نازانم بە زۆر بێئومێدییەوە قسەت بۆ دەکەم، بەڕاستی زۆر سەیرە، ئێستا ئەوە سەیر دەکەی لە هیچ شوێنێک کورد وەکو مرۆڤ ناناسن، میللەتی کورد هەزار هاوار دەکات.. ئێستاش لە هەر شوێنێک بێ کورد هەر کوردە و هەر بەدبەختە و هەر ناهێڵن، هەست دەکەم ئەوە کێشەیەکی زۆر گەورەیە، بەتایبەت لە ئێران بێ یان عێراق بێت لە تورکیا بێت لە هەموو جێگەیەک، دووژمن ناهێڵێت تۆ پێبگەیت، ئینجا ئەو ناهێڵێت و خۆشت رێگەت نییە کە پێیدا بچیت و کارەکەی خۆت بکەی، بیرۆکەشت نییە کە بە خوێندن دروست دەبێت، بەڕاستی نائومێدانە قسە دەکەم.

 

 

هەژار موکریانی: بەڵێ تاوانی هەزار ساڵەیە.

 

 

هەژار موکریانی: قوربان پەروەردەکەی من چۆنە؟ پەروەردەی ئەو میللەتە چۆن وا هاتووە؟ ئێستا بڕۆ لە نێو شارێکی کورد بگەڕێ، دەبینی لە هەموویدا دوو کەس پێی وانییە کوردستان ئەگەر ئازاد بێ قازانجیەتی، ئەو پێی وایە هەر ئەوەندە پارەیەی رۆژانە دەستی دەکەوێت سوودی هەیە و هیچی دیکە. نازانێ، جا تۆ چۆن تێیدەگەیێنی، رێگەی ئەوەت هەیە کە پێی بڵێیت و تێی بگەیێنیت؟ دەبێت پێی بڵێی ئاوا دەبێت داوای ئازادی بکەین و ئاوا پێیدا بڕۆین، پاشان کێ گەرەنتی ئەوە دەکات کە دەستبەجێ ناتگرن و ناتکوژن؟ زۆر کێشەیەکی گەورەیە کاکە. واتە بۆ چارەسەر نابێ؟ بەڵێ وەڵڵا دەڵێم، ئەگەر ئێستا میللەتی کورد بتوانێت بخوێنێت، بەڵام یەکێک لێم ناپرسێ چۆن دەتوانێ بخوێنێ؟ نازانم، رێگەی نییە، زمانی خۆی قەدەخەیە پێی بخوێنێت، بیر لە دۆخی خۆی بکاتەوە، رێگەی هەموو شتێکی لێ گیراوە بەستەزمان، ئێ چی بکات؟

 

 

هەژار موکریانی: فەرمایشتەکەت جوانە، دەبێت بڵێی ئەمڕۆ لەبارترە لە پێشوو، بەڵام ئێمە دەتوانین سوود لەو هەموو لەبارییە وەربگرین؟ نەوەڵڵا.

 

ئێستا تۆ سەرنج بدە بۆ نموونە حیزبی پارتی ئێستا بووەتە 10 بەش. کاتی خۆی هەموومان لە ژێر فەرمانی مەلا مستەفا بووین. لە هەرکوێ دەڵێی، دەبینی ناکۆکی لەنێوان خۆمان زۆرترە تاوەکو لەگەڵ دووژمنەکەمان. شەڕ لەنێوان خۆمان دەکەین، جا کێشەمان هەیە.

 

بەڵێ لەبارترە بەو واتایەی کورد زیاتر تێگەیشتووە، ئێستا تێگەیشتووە کە دۆخیان زۆر خراپە، بەڵام ناتوانم بڵێم تێگەیشتوون کە چۆن چاکی دەکەنەوە.

 

 

هەژار موکریانی: وایە. 

 

 

هەژار موکریانی: کاتی خۆی پێموایە لەبیرتە، من دەمنووسی لە هەندێک شوێن، "بابە ئەو پارەیەی دەیدەن بە قومبەلە و پێمانەوە دەنێن، ئەگەر کۆی بکەنەوە بێن کوردستانی پێ ئاوەدان بکەنەوە و قوتابخانەی پێ بکەنەوە. وەڵڵا ئەوەندەمان ناوێ و، نیو ئەوەندەمان دەوێ، نیو ئەوەندەشمان ناوێ و دەبین بە شتێک، ئەگەر ئەوانیش بیر بکەنەوە"، ئاخر زەحمەتەکەمان ئەوەیە. ئومێد دەکەم، بەڵام ناتوانم بڵێم بەڕاستی نائومێدانە قسە دەکەم لەو بارەوە.

 

 

هەژار موکریانی: ئەو ناوچەیەم لە کوێ بۆ پەیدا دەکەی؟ ناوچەیەک کە من تێیدا ئازاد بم! سەیرە هەموومان ئومێدمان بەوە بوو کە کورد لە رووسیا هەن و بوونەتە پیاوێکی سەیروسەمەرە، لانیکەم رۆژێک ئەوانیش دێن هاوکاریمان دەکەن، وانەبوو؟ 

 

ئێستا دەبینین ئەسڵەن ئەوانەشی هەبوون لە یەریڤان دەرکراون و رۆژنامەکەشیان لێ داخستوون. کوردی هەژار لە رووسیاش نەماوە.

 

 

هەژار موکریانی: ئەو قسانە ئارەزوون، من ناتوانم عەرزت بکەم کە شتێکی بەردەست هەیە، مەحاڵە، بەڵێ ئەگەر بتوانین..

 

 

هەژار موکریانی: ئاخر پێت ناکرێت، کێشەی من ئەوەیە. لەگەڵ د. نوورەدین زازا قسەمان دەکرد. د. نوورەدین دەیگوت ئێستا من و تۆ بچینە دێهاتێکی تورکیا و دڵی خەڵک خۆش بکەین کە بێن شۆڕشێک بکەن، گوتم، "باشە دکتۆر ئەوا من تۆ چووینە نێو دێهاتێک و وای دانێین هەزاران کەسیشمان ساز کرد، دەوڵەتی تورکیا مزگەوتێک دروستدەکات لە دێیەک و دەڵێت، ئەو کافرانە بکوژن، تۆ دەڵێی چی؟" دەستیکرد بە پێکەنین گوتی، "وەڵڵا ناوێرم بچین". کێشە ئەوەیە ئەو بیرکردنەوەیە ئامادە نییە.

 

 

هەژار موکریانی: رێگەی رۆشنبیری..

 

 

هەژار موکریانی: وەڵڵا دەبێت هەموو شتێکمان بوێت، هەرچییەک دەیدەن. بەڵام کوا؟

 

 

هەژار موکریانی: دەبێ زۆر سوپاسگوزار بین ئەگەر وایدانێین لە ئەڵمانیاش بڵێن وەرە ئەو شارەتان دەدەینێ بۆ خۆتان. کورد دەستپێبکات.

 

 

هەژار موکریانی: کە کوردستان هەموو ئازاد بکەین، بەڵێ.

 

 

هەژار موکریانی: بەڵێ پێموایە، من کاتی خۆی نووسیومە تاوەکو پارچەیەک مابێ، تەنانەت ئەو کاتە مەبەستم رووسیا بوو، تاوەکو پارچەیەک مابێ لەبن دەستی خەڵکیدا بە ئاوات نەگەیشتووین، بەڵام چی بکەین؟

 

 

هەژار موکریانی: وەڵڵا هیچم لەبیر نییە، بەهیچ شێوەیەک، دیوانەکەشم نییە، ئەوە سەیرە.

 

 

هەژار موکریانی: نەوەڵڵا لەبەرم نییە.

 

 

هەژار موکریانی: ئێستا جارێ هیچ چاکی نابینم. بەئومێدم کە دەڵێن لە تورکیا شتێک هەبێ. لەبارەی میللەتی کوردەوە من ناتوانم قسە بکەم، چونکە میللەت شتێکی دیکەیە، ئەو هەر جێگەی خۆی دەکاتەوە، بەڵام لەبارەی ئەوەی کە من شتێک ببینم، پێموایە نا. نازانم باوەڕ ناکەم، ئومێدم نییە، بەڵام میللەتی کورد نافەوتێت. میللەت نافەوتێت ئەمڕۆ نا سبەی، سبەی نا 10 ساڵی دیکە 20 ساڵی دیکە هەر سەرهەڵدێنێت و دەبێتە دەوڵەتێک، بەڵام ئێستا بێچارە دەرفەتی نییە.

 

 

هەژار موکریانی: بەڵێ مرۆڤ هەبووە، برادەر هەبوون پێیان دەدام، بەڵام نەبووە کە رێکخراو و جەماعەت و ئەوانە مەحاڵە، تەنانەت نەموێراوە زۆریش خۆمیان پێشان بدەم.

 

 

هەژار موکریانی: نا لە شەرەفنامە نەیکرد، بەڵام فەرمووی، "ئەگەر مەلای جزیریت وەرگێڕا وەرە لای من و جارێکی دیکە مەچۆ وەکو سواڵکەر داوا مەکە لە مەجموعەی عیلمی (کۆمەڵەی زانستی)" و گوتی، "هەرچەندی تێبچێت من دەیدەم." کۆمەڵەی زانستی [شەرەفنامەیان] بۆ چاپکردم و من مەرجەکانی ئەوانم قبووڵ کرد، چونکە ویستم چاپ بکرێت.

 

 

هەژار موکریانی: بەڵێ بۆ ئەوەی چاپبکرێت، من دام پێیان گوتیان، "باشە چاپ دەکرێت، بەڵام 10٪ـت دەدەینێ"، پاشان گوتیان، "10٪ـیش نادەین"، گوتم، "چاکە." هەر ئەوەندە بوو. 

 

 

هەژار موکریانی: بیانگوتایە پارەش بێنە هەر دەمدانێ.

 

 

هەژار موکریانی: دوو کوڕم هەیە، یەکێکیان ئەوەتا و ئەوەی دیکەیان لە ماڵەوەیە. چوارم هەبووە و ئەو حیکایەتەت بۆ بکەم سوودی نییە، زۆر ناخۆشە.

 

 

هەژار موکریانی: بتوانم فەرهەنگەکە چاپ بکەم و بتوانم یاداشتەکانی خۆم بنووسم، بەڵام ئومێدم نییە کە چاپ بکرێت. هەر ئەوەندە، ئەگەر بتوانم یان بژیم ئەوەندە، دۆخم زۆر خراپە.

 

 

هەژار موکریانی: من هیچ نیم، کوردی چاک بمێنێ زۆر باشترە، ئێمە دەچین بەڵام میللەت لەنێوناچێت، مەحاڵە.