رووداو - تەندروستی
توێژینەوەیەک لە کەنەدا دەریدەخات، بەردی زراو و شێرپەنجەی زراو دوو کێشەی بەربڵاوی زراون و دەکرێت بە پەیڕەوکردنی شێوازی ژیانی تەندروست ئەگەری تووشبوون کەمبکرێتەوە.
توێژینەوەکە لە زانکۆی تۆرێنتۆ لە کەنەدا کرا و دەرکەوت، خۆراکە دەوڵەمەندەکان بە ریشاڵەکان و کەمچەورییەکان فەرمانی زراو باشتردەکەن و هەرس ئاساندەکەن، بەمەش ئەگەری تووشبوون بە بەردی زراو کەمدەبێتەوە.
مەهسا جێسری، سەرپەرشتیاری توێژینەوەکە دەڵێت: ئەو خۆبەخشانەی جۆری خۆراکیان ناتەندروست بوو، زۆرینەی ئەوانەبوون کە دووچاری کێشەکانی زراو، بەتایبەت بەردی زراو بوون، بەڵام ئەوانەی کە خۆراکی پڕ لە ریشاڵ و کەمچەورییان دەخوارد؛ زراویان تەندروست بوو.
تەنانەت توێژینەوەکە ئەو گرووپە خۆراکەی کە ئەگەری تووشبوون بە کێشەکانی زراو کەمدەکەنەوە ئاشكرادەکات وەکو؛
- سەوزەکان
- میوەکان
- شەربەتی سرووشتیی تازە ''فرێش''
- خۆراکە کەمچەورییەکان
- خۆراکی دانەوێڵەی تەواو
- گوێز
- پاقلەمەنییەکان
- ماسی
هاوکات ناوی ئەو خۆراکانەش دەهێنێت کە ئەگەری تووشبوون بە کێشەکانی زراو زیاددەکەن وەکو؛
- خۆراکە خێراکان
- گۆشتە لەقوتوونراوەکان
- گۆشتی سوور
- خۆراکە چەورەکان
- شیرینییەکان
- پەتاتەو سوورەوەکراو
- خۆراکە سوێرەکان
- هێلکە
جگە لەمانە پەیمانگەی تەندروستیی نیشتمانی لە ئەمریکا ئاشکرای دەکات، وەرزش و جووڵەی رۆژانە ئەگەری تووشبوون بە بەردی زراو کەمدەکەنەوە و قەڵەویش بە هۆیەکی سەرەکی دادەنێت بۆ دروستبوونی بەردەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ