رووداو - تەندروستی
توێژینەوەیەکی کۆمەڵەی شێرپەنجە لە ئەمریکا دەریدەخات، هەر یەکە لە قەڵەوی، خواردنەوەی کحول و بەکارهێنانی تووتن رۆلێکی بەرچاویان هەیە لە تووشبوون بە شێرپەنجە.
توێژینەوەکە ئاماژە بەوەدەکات، ئەم هۆکارانە زیاتر لە 40٪ـی ئەگەری تووشبوون بە شێرپەنجە زیاددەکەن، هەروەها شێوازی ژیانی ناتەندروست و گرنگی نەدان بە پشکنینی پێشوەختە ژمارەی تووشبووانی شێرپەنجەی بەرزکردووەتەوە.
دکتۆر وێل هارب، سەرپەرشتیاری توێژینەوەکە دەڵێت، "جگەرە، قەڵەوی و کحول ئەگەری تووشبوون بە شێرپەنجەی مەمک، کۆڵۆن، ریخۆڵە و جگەر زیاددەکەن، دەبێت دەستپێشخەرییەکانی تەندروستیی گشتی سەرنج بدەنە کەمکردنەوەی خواردنەوەی کحول، زیادکردنی هۆشیاری سەبارەت بە مەترسییەکانی قەڵەوی و بەکارهێنانی تووتن''.
بەگوێرەی کۆمەڵەی شێرپەنجە لە ئەمریکا، رێژەی گیانلەدەستدان بە شێرپەنجە لە ئەمریکا بە گشتی کەمیکردووە، بەڵام لەگەڵ ئەوەشدا لە سەرەتای ئەمساڵ تاوەکو ئێستا زیاتر لە 2 ملیۆن تووشبووی نوێی شێرپەنجە دەستنیشانکراون.
.png&w=3840&q=75)
