رووداو- هەولێر
لە میشیگان 30 سەگ بە نەخۆشیی گیانیان لەدەستداوە، بەرپرسانی تەندروستیی دەڵێن زۆربەیان نیشانەکانی تووشبوون بە ڤایرۆسی پارڤۆیان هەبووە و لەماوەی 3 رۆژدا سەگە تووشبووەکان مردوون.
بەرپرسانی تەندروستیی میشیگان دەڵێن بەدواداچوون بۆ مردنی 30 سەگ لەماوەی 3 رۆژدا دەکەن کە لەماوەی نەخۆشکەوتنیان تووشی رشانەوە و سکچوونی خوێناوی بوونە و گومانی تووشبوونیان بە ڤایرۆسی پارڤۆ لێدەکرێت.
ڤایرۆسی پارڤۆ تووشی سەگ دەبێت و زۆربەخێرایی دەگوازرێتەوە، کار لە کۆئەندامی هەرس دەکات، ئەو سەگانەی نەکوتراون و ئەو سەگانەی تەمەنیان لە 4 مانگ کەمترە لە مەترسیی زۆرترن.
ڤایرۆسی پارڤۆ یەکەمجار لە ئەوروپا لە ساڵی 1976 دۆزراوەتەوە و لەدوای دروستکردنی ڤاکسین مەترسییەکە کەمتربووەوە، بەڵام کاتێك بڵاودەبێتەوە، لەنێوان سەگەکان بە بەرکەوتنی راستەوخۆ و بە پیسایی دەگوازرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ