رووداو - تەندروستی
پسپۆڕێکی نەخۆشییەکانی پێست و جوانکاری چەند وێنەیەکی دۆخی نەخۆشێکی بۆ رووداوی تەندروستی ناردووە و دەڵێت: بەهۆی هەڵەبەکارهێنانی دەرمان لەڕێگەی ئۆنڵاینەوە وای لێهاتووە.
ئەمڕۆ چوارشەممە 25-6-2025 د. سەنگەر جەلال، پسپۆڕی نەخۆشییەکانی پێست و جوانکاری بە رووداوی راگەیاند، نەخۆشەکە خانمێکی نزیکەی 25 ساڵان بووە و لەڕێگەی ئۆنڵاینەوە دەرمانێکی بەناو لابردنی بالووکەی داوا کردووە و بەبێ راوێژی پزیشک بەکاری هێناوە.
لە ئەنجامدا شوێنی بالووکەکان ئاوایان لێهاتووە.
بەگوتەی د. سەنگەر جەلال، دەرمانەکانی لابردنی خاڵ و بالووکە، دەرمانی سپیکردنەوەی دەموچاو و دژەخۆر زۆرترینن کە بە ئۆنڵاین دەکڕدرێن یان بەهەڵە و بەبێ راوێژی پزیشک بەکاردەهێندرێن.
لەکۆتاییدا جەختی لەوە کردەوە، ''هاونیشتمانییان خۆیان بە دوور بگرن لە بەرهەمە ئۆنڵاینەکان و بەکارهێنانی دەرمان بەبێ راوێژی پزیشک''.