د. ساڵح نەجیب لەگەڵ دکتۆر لونا خالید وەستاوە و چاوپێکەوتنی لەگەڵدا دەکرێت.
رووداو - تەندروستی
پسپۆڕێکی زانستە ژینگەییەکان ئاشكرای دەکات، ئەو ئۆتۆمبێلانەی بە وزەی خاوێن کاردەکەن وەکو ئۆتۆمبێلی کارەبایی، رێگریدەکەن لە گۆڕانی کەشوهەوا، ئەو دەڵێت: زیادبوونی ئۆتۆمبێلی کارەبایی کەشوهەوا پاکتر دەکاتەوە.
ئەمڕۆ یەکشەممە 23-3-2025 د. ساڵح نەجیب، پسپۆڕی زانستە ژینگەییەكان بە رووداوی راگەیاند، ئۆتۆمبێلی کارەبایی لە هەرێمی کوردستان زۆر کەمە و دۆخی هەرێمی کوردستان هاندەر نییە، چونکە خەڵک بە لایەنە ئەرێنییەکانی نازانن و حکومەتیش پشتیوانیی نەکردووە.
ئەم پسپۆڕەی زانستە ژینگەییەكان گوتی، زۆربەی ئەو گازانەی دەبنەهۆی گەرمبوونی زەوی و گۆڕانی کەشوهەوا لە دەرچەی سووتەمەنییە نەوتییەکانەوە دێنە نێو بەرگە هەواوە، بۆیە پێویستە جیهان هەنگاوی خێراو دەستبەجێ بنێت و چاکسازی بکات و نەهێڵێت لەوە زیاتر گەرمبوونی زەوی رووبدات.
ئەو پسپۆڕە پێشنیازدەکات، بایەخ بە هاوردەکردنی زیاتری ئۆتۆمبێلی کارەبایی بدرێت، ''چونکە تەندروستیی مرۆڤ پارێزراوتر دەبێت و لە بەشێکی زۆری نەخۆشییەکانی کۆئەندامی هەناسەدان بەدووری دەخات''.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ