رووداو - تەندروستی
توێژینەوەیەکی زانکۆی بوفڵۆ لە ئەمریکا دەریدەخات، تەنۆلکەی ژینگەی پیسبوو کاریگەری نەرێنی لەسەر تەندروستیی خانمانی دووگیان دەبێت و زیان بە کۆرپەلەش دەگەیێنێت.
لە توێژینەوەکەدا هاتووە، خانمانی دووگیان کاتێک لە ژینگەیەکی پیسبوو گوزەران دەکەن مەترسیی تووشبوونیان بە بەرزە پەستانی خوێن و شەکرە زیاددەبێت، هەروەها ئەم پیسبوونەی ژینگەیە هۆکارێکی پێشوەختە لەدایکبوونی کۆرپەلە دەبێت.
د.یۆهان فێری سەرپەرشتیاری توێژینەوەکە دەڵێت، ''توێژینەوەکانمان کاریگەری پیسبوونی هەوا لەسەر منداڵانی تازە لەدایکبوو دەردەخەن و جەخت لەسەر چارەسەری خێرای پیسبوونی هەوا دەکەینەوە''.
بە گوێرەی زانکۆی بۆفڵۆ، زۆری رێژەی دوانەئۆکسیدی نایترۆجین NO2 و پارتیکڵی 2.5 لە ژینگەی پیسبوو، مەترسیەکی گەورەیە لەسەر تەندروستی خانمانی دووگیان و کۆرپەلەکانیان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ