رووداو - تەندروستی
پسپۆڕێکی خۆراک لە سەنتەری پزیشکیی زانکۆی کووپەر لە ئەمریکا رایدەگەیێنێت، چەوریی نێو هێلکە بە رێژەیەکی زۆر کۆلیستڕۆڵ بەرز ناکاتەوە.
د. کایتلین چاپلیکی، پسپۆڕی خۆراک و رێژیمی خۆراکی دەڵێت: زەردێنەی هێلکە دەوڵەمەندە بە ڤیتامین و سیلیمیۆن و چەندان مادەی سوودبەخشی دیکە، 15٪ـی پڕۆتین و 27٪ـی لە چەوری پێکهاتووە. ئەوەی دیکەش ئاو و کانزاکانە.
د. کایتلین چاپلیکی، پسپۆڕی خۆراک لەبارەی سپێنەوە گوتی، نزیکەی 90٪ـی لە ئاو پێکهاتووە و ئەوەی دیکەشی لە پڕۆتین.
ئەوەش باسدەکات کە کەسانی ئاسایی بۆیان هەیە تەواوی هێلکە بخۆن.
پسپۆڕێکی مایۆکلینیک ئاشکرای دەکات، خواردنی یەک بۆ دوو زەردێنەی هێلکە لە رۆژێکدا کاریگەری لەسەر بەربوونەوەی چەوریی کۆلیستڕۆڵ نییە و ئاساییە بخورێت. بەڵکو ئەوەی زیاتر کۆلیستڕۆڵ بەرزدەکاتەوە چەورییە تێرەکانە.
