رووداو - تەندروستی
لە شارەزوور کەسێک کارەبا دەیگرێت، تووشی جەڵتە دەبێت و دڵی لە لێدان دەوەستێت، لە نەخۆشخانەی شەهید رەئوف بەگ دڵی دووبارە دەخەنەوە کار. سەرۆکی بەشی فریاکەوتن دەڵێت: کارەباکە لێدانی دڵی تێکدابوو.
دوێنێ رووداوەکە روویداوە و ئەمڕۆ پێنجشەممە 15-5-2025 دکتۆر شڤان کوردە، بەڕێوەبەری نەخۆشخانەی شەهید رەئوف بەگ لە شارەزوور بە رووداوی راگەیاند، ئەو نەخۆشە رەوانەی سلێمانی کراوە، چونکە دەبێت 24 کاژێر لەژێر چاودێریدا بێت.
سامان سابیر، بەرپرسی بەشی فریاکەوتن لە نەخۆشخانەکە دەڵێت: ''نەخۆشەکە کرێکارێکی 42 ساڵان بووە، ئێستا لەژێر چاودێریی چڕدایە لە نەخۆشخانەی شار لە سلێمانی''.
ئەوەشی روون کردەوە، هەر کەسێک کارەبا لێی دا، دەبێت لە شوێنی رووداوەکە دووربخرێتەوە و سەرچاوەی کارەباکە بکوژێتەوە، پاشانیش دەشێت لەژێر پێی کەسەکە بدرێت، بۆ ئەوەی کارەبایی جەستەی هاوسەنگ ببێتەوە.
.png&w=3840&q=75)
