هەڵەیەک روویدا! دووبارە هەوڵبدە
رووداو - تەندروستی
تیمی تەندروستیی چاودێریکردنی مانگرتووان رایدەگەیێنن، مانگرتووان لێکەوتی مەترسیداریان لەسەر دەرکەوتووە و بەردەوامبوونیان لە مانگرتن ئەگەری وەستانی دڵ لە هەندێکیاندا زیاددەکات.
ئەمڕۆ سێشەممە 11-2-2025 د. هێرش سەید سەلیم، جێگری بەڕێوەبەری گشتیی تەندروستیی سلێمانی رایگەیاند، لێکەوتی مەترسیدار لەسەر دۆخی تەندروستیی مانگرتووان بینراون و رۆژ بە رۆژ دۆخی تەندروستییان خراپتر دەبێت.
بەگوتەی د. ئەژین هاشم، پسپۆڕ و ئەندامێکی تیمی تەندروستی بۆ چاودێریی مانگرتووان، جەستەی مانگرتووان لاوازبووە و هەندێک لە لێکەوتە مەترسیدارەکانیان لەسەر دەرکەوتووە وەکو؛ خوێنبەربوون و پەککەوتنی جگەر، لاوازبوونی گورچیلە و ماسوولکەکانیان.
د. ئەژین هاشم هۆشداری دەدات کە دەشێت لەناکاو مانگرتووان تووشی وەستانی لەناکاوی دڵ ببن بەهۆی پەککەوتنی ماسوولکەکانی دڵیان.
هەر بۆیە ئەو تیمە داوایان لە مانگرتووان کرد کە مانگرتن بشکێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ