رووداو - تەندروستی
پزیشکێکی پسپۆڕی خۆبەخش چووەتە رۆژئاوای کوردستان و دەڵێت: ''خەڵکانی رۆژئاوای کوردستان پێویستییان بە نەشتەرگەری هەیە، بەڵام ئامێری پزیشکییان نییە''.
د. رەوەند عەبدولڕەحمان پزیشکێکی پسپۆڕە و چووەتە رۆژئاوای کوردستان، بە رووداوی راگەیاند، تەندروستیی رۆژئاوای کوردستان ئامێرەکانیان کۆنە و دەست نادەن بۆ ئەنجامدانی نەشتەرگەری.
ئەوان پشکنینیان بۆ خەڵکێکی زۆر کردووە و ئاماژە بەوە دەکات، نەخۆش هەبووە دەوالی هەبووە و ناڵاندوویەتی، کە پێویست بووە بە نەشتەرگەری چارەسەر بکرێت، بەڵام بەهۆی نەبوونی ئامێرەوە نەتواندراوە چارەسەر بکرێت.
دکتۆر هێڤار عاسی پزیشکێکی دیکەی خۆبەخشە و لە باشووری کوردستانەوە چووەتە رۆژئاوا دەڵێت، زۆرینەی نەخۆشەکان پەتای وەرزییان گرتووە.
دکتۆر هێڤار هۆکاری بڵاویی پەتاکانی گەڕاندەوە بۆ ئەوەی کە ئاوارەکان هەموویان لە یەکدییەوە نزیکن و بە کۆمەڵ لە قوتابخانە و مزگەوتەکاندا ماونەتەوە، ئەمەش ئەگەری بڵاوبوونەوەی پەتاکان زیاتر دەکات.
.png&w=3840&q=75)