رووداو دیجیتاڵ
دوای ئەوەی 18 تۆمەتی دەستدرێژیی سێکسی دژی نەیتن چەیزینگ هۆرس، ئەکتەری ئەمریکی لە دادگە رەتکرایەوە، دەستەی سوێندخواردنی ویلایەتی نیڤادا، تۆمەتی دیکەی خستە پاڵی.
ئەو ئەکتەرە رووبەڕووی 21 تۆمەتی دیکەی دەستدرێژیی سێکسی کراوەتەوە، گوایە دژ بە کچان و ژنانی ئەمریکییە رسەنەکان ئەنجامیداوە.
بۆ 21 تۆمەتەکە بەڵگەیەکی ڤیدیۆیی هەیە و بڕیارە بدرێتە دادوەر گوایە ئەو ئەکتەرە لە کاتی دەستدرێژیکردنی بۆ سەر کچێکی 14 ساڵان بە ڤیدیۆ تۆماریکردووە و لە نێو مۆبایلێکیدا ڤیدیۆکە دۆزراوەتەوە.
ئەم تۆمەتە نوێیانە، لە دوای ئەوە دێت کە لە ئەیلوولی ئەمساڵدا، دادگەی باڵا 18 تۆمەتی ئاڕاستەکراو دژ بەو ئەکتەرەی رەتکردەوە، بەڵام دەرگەی دووبارە ئاڕاستەکردنی تۆمەتەکانی بە کراوەیی جێهێشتووە.
نەیتن چەیزینگ هۆرس لە 1990 لە فیلمی بەناوبانگی "Dances With Wolves" رۆڵی گێڕاوە، لە 2023 تۆمەتی ئەوەی خراویە پاڵ کە لە ماوەی دە ساڵی رابردوودا؛ دەستدرێژیی سێکسی کردووەتەوە سەر ژنان و کچانی ئەمریکی رەسەن.
دەستەی سوێندخواردنی ناوچەی کلارک لە کۆتایی مانگی شوباتی ئەمساڵدا، ئەو ئەکتەرە تەمەن 47 ساڵەی بە 19 تۆمەت؛ تۆمەتبارکرد کە بریتین لە تۆمەتی دەستدرێژیی سێکسی بۆ سەر منداڵێکی خوار تەمەن 16 ساڵ، رفاندن، لەشفرۆشی و دەستدرێژیکردنە سەر منداڵان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ