رووداو - مەدرید
‘‘من ناوم ئانگریدە، شوو بە گەنجێكی كوردستان دەكەم و دەمەوێت فێری سۆرانی بم، كێ دەتوانێت یارمەتیم بدات؟’’.دەیان كچی وەكو ئانگرید لە ئەمریكای لاتین لە لاپەڕەی فەیسبووكەكەیان خۆشەویستی خۆیان بۆ كوڕی كورد و فێربوونی زمانی كوردی نیشاندەدەن، بە تایبەتی شێوەزاری سۆرانی.
وەكو وەڵامێك بۆ ئانگرید، ئەدریانا سانچێز دەڵێت ‘‘من مردم بۆ فێربوونی كوردی، نەك بۆ پەیوەندییەك، بەڵام بۆ خۆشەویستییەكی سادە بۆ كوردستان’’.
لوز ئالڤارێز نووسیویەتی ‘‘ئای خوایە، هەمووان بۆ گەنجانی كورد دەمرن’’. ژولێتا مونۆز-یش نووسیویەتی ‘‘I love erbil’’. بەڵام لوز زامۆرا نووسیبووی ‘‘ئای لۆڤ سلێمانی، من ئەڤینداری كوردستانم و لە هەموو شوێنێك دەیناسێنم’’.
(رووداو) لەڕێی سكایپەوە لۆزی دواند، دەركەوت لەدایكبووی شاری بڕۆنسلیڤی ویلایەتی تەكساسی ئەمریكایە و لە مەكسیك كار دەكات. لوز لەلایەن هاوڕێیەكی كوردیەوە ناوی لێنراوە رووناك.
لوز زامۆرا، چیرۆكی ناسینی كوردستان بەمجۆرە دەگێڕێتەوە ‘‘رۆژێكیان كەسێك لە فەیسبووك داوای هاوڕێیەتی لێكردم، بینیم گەنجێكە لە عێراق، لە عێراقیش تەنیا ناوی بەغدام بیستبوو. بەڵام ئەو گەنجە خەڵكی سلێمانی بوو، ئێمە بە زمانی ئینگلیزی گفتوگۆمان دەكرد. لەوكاتەوە، لەڕێی ئینتەرنێتەوە زانیاری لەسەر كورد كۆدەكەمەوە’’.
هاوڕێیەتی لوز لەگەڵ ئەو گەنجە زۆری نەخایاند، چونكە وەك ئەو دەڵێت، ئەو گەنجە خاوەن عەقڵیەتێكی سادە بوو دەربارەی پەیوەندی و گفتوگۆ لەگەڵ ژنان ‘‘غەریبە، لەسەرەتاوە زۆر خوێن شیرین بوو، بەڵام لەناكاو بووە كەسێكی دیكە، حەسوودی بەوە دەبرد كە لەگەڵ هاوڕێیانی دیكە قسە دەكەم و تووڕە دەبوو’’.
رووناك دواتر هەر لەڕێی فەیسبووكەوە گەنجێكی دیكەی ناسی كە زۆر كراوە بوو ‘‘ئەو زیاتر زانیاری دەربارەی كەلتووری كوردی دەدامێ. ئەو ناوی منی كردە رووناك كە خۆی لە خۆیدا وەرگێڕانی ناوی منە بە ئیسپانی’’.
‘‘پیرۆز بێت رووناك، ئیدی یەكێكی لە ئێمە’’
لوز لە باشووری تەكساس لە نزیك سنووری مەكسیك دەژیت، بەڵام لە خواردنگەیەك لە مەكسیك كاردەكات. لەگفتوگۆی خۆیدا لەگەڵ خەڵك، هەم لە تەكساس و هەمیش لە مەكسیك، خۆی وەكو رووناك مەكسیكسی دەناسێنێ ‘‘كاتێك ئەم ناوە دەبیستن ماناكەی دەپرسن و بەمشێوەیە باسی كورد و وڵاتەكەیان بۆ دەكەم’’.
بۆ ئەوەی زیاتر شارەزای كورد و كەلتوورەكەی بێت، لوز لە مانگی تشرینی یەكەمی رابردوو بەشداری فێستیڤاڵی گاسترۆنۆمیای لە ویلایەتی مۆریلۆسی مەكسیك كرد كە تێیدا چەندین چالاكی بۆ ناساندنی كەلتووری كوردی بەڕێوەچوون.
ئەو فێستیڤاڵە لەلایەن دامەزراوەی جاف سازكرابوو كە هانا جاف، كچە ئەمریكی مەكسیكی بەڕەگەز كورد و بەرپرسی دۆسیەی پەنابەران لە پارتی فەرمانڕەوای مەكسیك سەرۆكایەتی دەكات.
لوز دەڵێت ‘‘ئەو رۆژەی كە گەیشتمە شوێنی فێستیڤاڵەكە، لەگەڵ پیرەمێردێكی كورد قسەم كرد و باسی خۆشەویستی خۆم بۆ كورد كرد، كاتێك بە كوردی گوتم: زۆر سوپاس، رووی گەشایەوە و زۆر دڵخۆش بوو. دواتر منی بەكوردانی دیكە ناساند و پێیگوتم: پیرۆز بێت رووناك، ئیدی تۆ یەكێكی لە ئێمە’’.
دڵی بۆ سلێمانی لێدەدات
لوز هەندێك گلەیی لە فێستیڤاڵەكە هەبوو، لەوانەش پێشكەش نەكردنی خواردنی كوردی، بەڵام دەڵێت كاتێكی خۆشی بەسەر برد ‘‘كچە سیاسەتڤانی كورد هانا جاف و خێزانێكی خەڵكی سلێمانیم ناسی و بەمە زۆر خۆشحاڵ بووم، هەروەها كەمێك فێری هەڵپەڕكێی كوردی بووم’’.
لە ئێستاوە رووناك مەكسیكی بیر لە سەری ساڵی كوردی دەكاتەوە، بەڵام تائێستا بڕیاری نەداوە لە كوێ نەورۆز پیرۆز بكات ‘‘ئەو خێزانەی سلێمانی كە یەكدیمان ناسی، داوایان لێكردم لە نەورۆزدا بچمە سلێمانی، هەروەها لەلایەن رەوەندی كوردییەوە لە داڵاس داوایان لێكردووم، داوەتنامەیەكیشم لەلایەن كوردانی نیشتەجێی ویلایەتی تەنەسی پێگەیشتووە، بەڵام زۆر حەز دەكەم بچم بۆ نەورۆزی سلێمانی، بۆئەوەی دەلالی دڵی خۆم ببینم’’.
‘‘من ناوم ئانگریدە، شوو بە گەنجێكی كوردستان دەكەم و دەمەوێت فێری سۆرانی بم، كێ دەتوانێت یارمەتیم بدات؟’’.دەیان كچی وەكو ئانگرید لە ئەمریكای لاتین لە لاپەڕەی فەیسبووكەكەیان خۆشەویستی خۆیان بۆ كوڕی كورد و فێربوونی زمانی كوردی نیشاندەدەن، بە تایبەتی شێوەزاری سۆرانی.
وەكو وەڵامێك بۆ ئانگرید، ئەدریانا سانچێز دەڵێت ‘‘من مردم بۆ فێربوونی كوردی، نەك بۆ پەیوەندییەك، بەڵام بۆ خۆشەویستییەكی سادە بۆ كوردستان’’.
لوز ئالڤارێز نووسیویەتی ‘‘ئای خوایە، هەمووان بۆ گەنجانی كورد دەمرن’’. ژولێتا مونۆز-یش نووسیویەتی ‘‘I love erbil’’. بەڵام لوز زامۆرا نووسیبووی ‘‘ئای لۆڤ سلێمانی، من ئەڤینداری كوردستانم و لە هەموو شوێنێك دەیناسێنم’’.
(رووداو) لەڕێی سكایپەوە لۆزی دواند، دەركەوت لەدایكبووی شاری بڕۆنسلیڤی ویلایەتی تەكساسی ئەمریكایە و لە مەكسیك كار دەكات. لوز لەلایەن هاوڕێیەكی كوردیەوە ناوی لێنراوە رووناك.
لوز زامۆرا، چیرۆكی ناسینی كوردستان بەمجۆرە دەگێڕێتەوە ‘‘رۆژێكیان كەسێك لە فەیسبووك داوای هاوڕێیەتی لێكردم، بینیم گەنجێكە لە عێراق، لە عێراقیش تەنیا ناوی بەغدام بیستبوو. بەڵام ئەو گەنجە خەڵكی سلێمانی بوو، ئێمە بە زمانی ئینگلیزی گفتوگۆمان دەكرد. لەوكاتەوە، لەڕێی ئینتەرنێتەوە زانیاری لەسەر كورد كۆدەكەمەوە’’.
هاوڕێیەتی لوز لەگەڵ ئەو گەنجە زۆری نەخایاند، چونكە وەك ئەو دەڵێت، ئەو گەنجە خاوەن عەقڵیەتێكی سادە بوو دەربارەی پەیوەندی و گفتوگۆ لەگەڵ ژنان ‘‘غەریبە، لەسەرەتاوە زۆر خوێن شیرین بوو، بەڵام لەناكاو بووە كەسێكی دیكە، حەسوودی بەوە دەبرد كە لەگەڵ هاوڕێیانی دیكە قسە دەكەم و تووڕە دەبوو’’.
رووناك دواتر هەر لەڕێی فەیسبووكەوە گەنجێكی دیكەی ناسی كە زۆر كراوە بوو ‘‘ئەو زیاتر زانیاری دەربارەی كەلتووری كوردی دەدامێ. ئەو ناوی منی كردە رووناك كە خۆی لە خۆیدا وەرگێڕانی ناوی منە بە ئیسپانی’’.
‘‘پیرۆز بێت رووناك، ئیدی یەكێكی لە ئێمە’’
لوز لە باشووری تەكساس لە نزیك سنووری مەكسیك دەژیت، بەڵام لە خواردنگەیەك لە مەكسیك كاردەكات. لەگفتوگۆی خۆیدا لەگەڵ خەڵك، هەم لە تەكساس و هەمیش لە مەكسیك، خۆی وەكو رووناك مەكسیكسی دەناسێنێ ‘‘كاتێك ئەم ناوە دەبیستن ماناكەی دەپرسن و بەمشێوەیە باسی كورد و وڵاتەكەیان بۆ دەكەم’’.
بۆ ئەوەی زیاتر شارەزای كورد و كەلتوورەكەی بێت، لوز لە مانگی تشرینی یەكەمی رابردوو بەشداری فێستیڤاڵی گاسترۆنۆمیای لە ویلایەتی مۆریلۆسی مەكسیك كرد كە تێیدا چەندین چالاكی بۆ ناساندنی كەلتووری كوردی بەڕێوەچوون.
ئەو فێستیڤاڵە لەلایەن دامەزراوەی جاف سازكرابوو كە هانا جاف، كچە ئەمریكی مەكسیكی بەڕەگەز كورد و بەرپرسی دۆسیەی پەنابەران لە پارتی فەرمانڕەوای مەكسیك سەرۆكایەتی دەكات.
لوز دەڵێت ‘‘ئەو رۆژەی كە گەیشتمە شوێنی فێستیڤاڵەكە، لەگەڵ پیرەمێردێكی كورد قسەم كرد و باسی خۆشەویستی خۆم بۆ كورد كرد، كاتێك بە كوردی گوتم: زۆر سوپاس، رووی گەشایەوە و زۆر دڵخۆش بوو. دواتر منی بەكوردانی دیكە ناساند و پێیگوتم: پیرۆز بێت رووناك، ئیدی تۆ یەكێكی لە ئێمە’’.
دڵی بۆ سلێمانی لێدەدات
لوز هەندێك گلەیی لە فێستیڤاڵەكە هەبوو، لەوانەش پێشكەش نەكردنی خواردنی كوردی، بەڵام دەڵێت كاتێكی خۆشی بەسەر برد ‘‘كچە سیاسەتڤانی كورد هانا جاف و خێزانێكی خەڵكی سلێمانیم ناسی و بەمە زۆر خۆشحاڵ بووم، هەروەها كەمێك فێری هەڵپەڕكێی كوردی بووم’’.
لە ئێستاوە رووناك مەكسیكی بیر لە سەری ساڵی كوردی دەكاتەوە، بەڵام تائێستا بڕیاری نەداوە لە كوێ نەورۆز پیرۆز بكات ‘‘ئەو خێزانەی سلێمانی كە یەكدیمان ناسی، داوایان لێكردم لە نەورۆزدا بچمە سلێمانی، هەروەها لەلایەن رەوەندی كوردییەوە لە داڵاس داوایان لێكردووم، داوەتنامەیەكیشم لەلایەن كوردانی نیشتەجێی ویلایەتی تەنەسی پێگەیشتووە، بەڵام زۆر حەز دەكەم بچم بۆ نەورۆزی سلێمانی، بۆئەوەی دەلالی دڵی خۆم ببینم’’.
