رووداو دیجیتاڵ
وەزارەتی بەرگریی قەتەر رایگەیاند، ئێران بە چوار مووشەکی بالیستی و ژمارەیەک درۆن هێرشی کردووەتە سەر وڵاتەکە.
ئێوارەی ئەمڕۆ شەممە، وەزارەتی بەرگریی قەتەر لە راگەیێندراوێکدا گوتی، "هێزە چەکدارەکانمان سەرکەوتوو بوون لە تێکشکاندنی سەرجەم درۆنەکان و تەواوی مووشەکە بالیستییەکان."
ئەمە لەکاتێکدایە کە وەزارەتی ناوخۆی قەتەر رۆژی شەممە 14-03-2026 فەرمانی چۆڵکردنی بەپەلەی بۆ ژمارەیەک ناوچەی "سەرەکی و ستراتیژی" دەرکرد، ئەوەش دوای ئەوەی ئێران هێرشە ئاسمانییەکانی بۆ سەر وڵاتانی کەنداو چڕتر کردەوە.
لە گەڕەکی (موشەیریب) لە ناوەندی دەوحە، هاووڵاتیان نامەی ئاگادارکردنەوەیان لەسەر مۆبایلەکانیان پێگەیشتووە کە دەڵێت، "بە مەبەستی وریایی، دەستبەجێ ناوچەکە چۆڵ بکەن و بەرەو نزیکترین شوێنی پارێزراو بڕۆن."
.jpg&w=3840&q=75)
