رووداو- هەولێر
سەرۆکی یەکێتیی نیشتمانیی کوردستان سەردانی بەغدا دەکات و لەوێ لەگەڵ فوئاد حوسێن ژمارەیەک سەرکردەی باڵای عێراق دەبینن.
سەرچاوەیەک لە هەرێمی کوردستانەوە بە تۆڕی میدیایی رووداوی راگەیاند، ئەمشەو بافڵ جەلال تاڵەبانی، سەرۆکی یەكێتیی نیشتمانیی کوردستان دەچێتە بەغدا.
ئەو سەرچاوەیە ئاماژەی بەوەشکرد، چاوەڕوان دەکرێ هەر ئەمشەو بافڵ تاڵەبانی و فوئاد حوسێن، وەزیری دەرەوەی عێراق کە هاوکات ئەندامی مەکتەبی سیاسیی پارتی دیموکراتی کوردستانە، لەگەڵ محەممەد شیاع سوودانی، سەرۆکوەزیرانی عێراق و فایەق زێدان، سەرۆکی ئەنجوومەنی باڵای دادوەریی عێراق کۆبێتەوە.
سەرچاوەکەی رووداو گوتی، بافڵ تاڵەبانی و فوئاد حوسێن سبەی چوارشەممەش لەگەڵ بەشێکی سەرکردەی لایەنە سیاسییەکانی عێراق کۆدەبنەوە.
ئامانج لە کۆبوونەوەکان، چارەسەرکردنی کێشەکانی نێوان هەولێر و بەغدایە، لەوانەش کێشەی مووچە.
.jpg&w=3840&q=75)
