رووداو دیجیتاڵ
لە ئەنجامی وەرگەڕانی پاسێک لە پارێزگای ئیلامی رۆژهەڵاتی کوردستان، 7 کەس گیانیان لەدەستدا و 12 کەسی دیکەش بریندار بوون.
رووداوەکە کاژێر 07:00ـی ئێوارەی ئەمڕۆ لەسەر رێگەی نێوان مورموری و ئاودانان روویداوە.
مانگی سووری پارێزگای ئیلام رایگەیاند، حەوت کەس گیانیان لەدەستداوە و 12 کەسی دیکەش بریندار بوون.
بەپێی زانیارییەکانی تیمی فریاکەوتن، پاسەکە تایبەت بووە بە گواستنەوەی کارمەندانی کۆمپانیایەک لەو ناوچەیە؛ دوای رووداوەکەش دەستبەجێ پێنج تیمی فریاکەوتن لە شارەکانی ئاودانان و دێهلۆڕانەوە رەوانەی شوێنی مەبەست کراون بۆ بەهاناوەچوونی قوربانییەکان.
