تایبەت بە رووداو؛ نمرەی یەکەمەکانی پۆلی 12 ئامادەیی لە هەرێمی کوردستان

رووداو دیجیتاڵ

وەزارەتی پەروەردەی هەرێمی کوردستان ئەنجامی تاقیکردنەوەکانی پۆلی 12ی بڵاوکردەوە. بەپێی زانیارییەکانی رووداو کچێک بە ناوی (سۆز عەلی) بە کۆنمرەی 700 یەکەمی سەر ئاستی کوردستانە.

ئەمڕۆ پێنجشەممە وەزارەتی پەروەردە ئەنجامی تاقیکردنەوەکانی پۆلی 12ی راگەیاند. قوتابییانی پۆلی 12 لە وانەی زیندەزانی 4 نمرە، کیمیا 2 نمرە و عەرەبی 4 نمرە قەرەبوو کرانەوە. 

دوای راگەیاندنی ئەنجامەکان، تۆڕی میدیایی رووداو ناو و نمرەی قوتابییە یەکەمەکانی بڵاوکردەوە.

یەکەمەکانی سەر ئاستی هەرێمی کوردستان بەمشێوەیەن:

1- سۆز عەلی وەهبی، کۆنمرەی 700

2- ڤاری ئەمیر 698
- ژیلیا لوقمان 698
- روئیا پشتیوان 698

3- رێبین وەهاب، کۆنمرەی 696
- دێهان سەردار، کۆنمرەی 696
- کارێز عەلی، کۆنمرەی 696
- محەممەد موختار، کۆنمرەی 696
- زنار هیوا، کۆنمرەی 696

لە بەشی وێژەیی دنیا سەلام بە بەدەستهێنانی نمرەی 98 یەکەمی سەر ئاستی هەرێمی کوردستانە لە قەزای کفری 

تۆڕی میدیایی رووداو سەردانی ماڵی قوتابییە یەکەمەکانی کرد و باسی رۆتینی رۆژانە و شێوازی خوێندنی قوتابییە.

خێزانی سۆز عەلی، یەکەمی سەر ئاستی هەرێمی کوردستان ئاماژەیان بەوەدا، کچەکەیان 13 مانگە دەخوێنێت، لەو ماوەیەدا بەتەواوی سەردانیکردنیان راگرتبوو. 

ئەو قوتابییە ئاماژەی بەوەدا، لە قوتابخانەی ئەهلی خوێندوویەتی و مامۆستای تایبەتیشی بۆ هەموو وانەکان گرتووە، هەروەها لە کاتی پێداچوونەوەدا رۆژانە 10 بۆ 12 کاژێر خوێندوویەتی.

ڤاری قوتابی دووەم بووە لەسەر ئاستی هەرێمی کوردستان و لەبارەی خوێندنی رۆژانەی گوتی، "13 کاژێر دەمخوێند و جگە لە وانەی ئینگلیزی، مامۆستای تایبەتم بۆ هەموو وانەکان گرتبوو".