زەیدی و ترەمپ کۆبوونەوە، هەوڵەکانی بەهێزکردنی سەقامگیرییان تاوتوێ کرد

رووداو دیجیتاڵ

عەلی فالح زەیدی، سەرۆکوەزیرانی عێراق و دۆناڵد ترەمپ، سەرۆکی ئەمریکا لەنیویۆرک کۆبوونەوە و هەوڵە هاوبەشەکانی هەردوولا بۆ بەهێزکردنی ئاسایش و سەقامگیریی ناوچەکە تاوتوێ کران.

رۆژی چوارشەممە، 23ـی ئەیلوولی 2026، نووسینگەی رۆژنامەڤانیی سەرۆکوەزیرانی عێراق راگەیێندراوێکی لەبارەی ئەو کۆبوونەوەیەوە بڵاوکردەوە.

بەگوێرەی راگەیێندراوەکە، هەردوولا باسیان لەپەیوەندییە دووقۆڵییەکانیان و شێوازی بەهێزکردنی هاریکاری و هاوبەشیی نێوانیان لەبوارەکانی سیاسی، ئابووری و وەبەرهێنان تاوتوێ کردووە.

نووسینگەی رۆژنامەڤانیی سەرۆکوەزیرانی عێراق رایگەیاند، زەیدی و ترەمپ باسیان لەدۆخی ناوچەکە کردووە، لەگەڵ هەوڵە هاوبەشەکانی عێراق و ئەمریکا بۆ بەهێزکردنی ئاسایش و سەقامگیریی هەرێمی و نێودەوڵەتی.

عەلی فالح زەیدی لەدوای وەرگرتنی پۆستی سەرۆکوەزیرانی عێراق لەئایاری ئەمساڵ، ئەوە دووەمجارە لەگەڵ دۆناڵد ترەمپ کۆدەبێتەوە.