رووداو - دیجیتاڵ
لە پارێزگای سەڵاحەددین،
رێژەی بێکاری و هەژاری 30%ی تێپەڕاندووە و زیاتر لە 36 هەزار کەس بۆ وەرگرتنی مووچەی
چاودێریی کۆمەڵایەتی ناوی خۆیان تۆمار کردووە، هاوکات لە سێ مانگدا 57 بەرپرس بە تۆمەتی
گەندەڵی دەستگیرکراون.
خالید سەدام، سەوزەفرۆشێکە
و دەڵێت، "تەماتە و پەتاتە دەفرۆشم بۆ ئەوەی منداڵەکانم بەخێو بکەم، داهاتی رۆژانەم
پێنج هەزار یان دە هەزار دینارە، کەچی بەرپرسێک دێت و 10 ملیار دینار بە یەکجار دەدزێت."
لە چوارچێوەی هەڵمەتی بەرەنگاربوونەوەی
گەندەڵیدا، هێزە ئەمنییەکان لە ماڵی ئەو بەرپرسانەدا دەستیان بەسەر 240 ملیار دینار،
35 ملیۆن دۆلار، ئاڵتون، خانووبەرە و ئۆتۆمبێلی گرانبەهادا گرتووە.
عەلی ئەحمەد، کە ئاو دەفرۆشێت،
دەڵێت، "کام بەرپرس دەهێنیت دزە. لە ساڵی 2020ـەوە بۆ مووچەی چاودێریی کۆمەڵایەتی
ناوم نووسیوە و تاوەکو ئێستا نەهاتووەتەوە، چونکە ئەوان سەرقاڵی دزین."
شاهر سەعد، ماسیفرۆشێکە
و باس لەوە دەکات، "ئەوە پارەی هاونیشتمانییانە، هی من و تۆیە. یەکێکیان گرتووە
50 بۆ 70 ملیار دیناری بردووە، ئێمە لەبەر زۆریی پارەکە نازانین ژمارەکانیش بڵێین."
بۆ دوو ساڵە پارێزگای سەڵاحەددین
بودجەی نییە و کارکردن لە 280 پڕۆژەی خزمەتگوزاریدا بەهۆی نەبوونی پارەوە راگیراوە.
سەمیە خابروی، ئەندامی پەرلەمانی عێراق رایگەیاند، "گەندەڵی بووەتە دەوڵەتێکی
گەورە و هەموو دەزگاکانی حکومەتی گرتووەتەوە. ئەم هەنگاوەی حکومەت بوێرانە و گرنگە
و ئێمە دەستیان دەگوشین بۆ رووبەڕووبوونەوەی گ
