توێژەران لە زانکۆی ستانفۆرد چارەسەرێکی چێژبەخش بۆ تووشبووانی خەمۆکی پێشنیاز دەکەن

لە توێژینەوەکەدا کە لەلایەن توێژەران لە زانکۆی ستانفۆردی ئەمریکی ئەنجامدراوە، دەرکەوتووە ڤێرچواڵ ریاڵیتی، کە بینینی دەوروپشتی خۆتە بەشێوەیەکی ئەلیکترۆنی و خەیاڵی، کاریگەرییەکی سەرنجڕاکێشی لەسەر کەمکردنەوەی کێشە دەروونییەکان و بەتایبەتیش خەمۆکی هەبووە.

دکتۆر مارگۆت پاوڵ، سەرپەرشتیاری توێژینەوەکە لە زانکۆ ئەمریکییەکە دەڵێت، پزیشکان دەتوانن ئامێری RXیان هەبێت و چارەسەر بۆ نەخۆشەکانیان بە ئاسانترین و کاریگەرترین شێوە بکەن.

دکتۆر مارگۆت ئەوەشی خستووەتەڕوو، چارەسەرەکە ئێستا بەردەستە، چێژبەخشە و سوودی زۆرە، هەروەها بۆ بەکارهێنانیش ئاسانە.

ڤێرچوەڵ ریاڵیتی، بریتییە لە ژینگەیەکی خەیاڵی، کە بە شێوەیەکی ئەلیکترۆنی دروستکراوە و رێگە بە بەکارهێنەرانی دەدات بەو ئەزموونەدا بڕۆن کە هاوشێوەی راستییە.