رەنگەجیاوازەکانی دەردراوەکانی زێ چ مانایەکیان هەیە؟

د. سیبو لیبێلوانا، پسپۆڕی نەخۆشییەکانی خانمان و منداڵبوون لە ئەفریقا باسی دەردراوی زێ دەکات و دەڵێت؛ رەنگی دەردراوی زێ مانای جیاوازیان هەیە بەم شێوەیەی خوارەوە؛

* رەنگی رەساسی؛ بوونی بەکتریایە لە زێ بەهۆی ناڕێکی لە رێژەی بەکتریاکانی زێ، ئەگەر چارەسەر نەکرێت لەبارچوون دروستدەکات لە خانمانی دووگیان.

* رەنگی قاوەیی؛ خوێنی کۆنە کە لەکۆتایی سووڕی مانگانە دروستدەبێت، ئەگەر لەو کاتەدا نەبوو رەنگە بەهۆی ناهاوسەنگیی هۆرمۆنەکانەوە رووبدات.

* رەنگی سەوز و زەرد، بەهۆی بوونی بەکتریاوەیە و لەکاتی میزکردن و سێکس هەست بە ئازار دەکرێت، بۆیە پێویستە راوێژ بە پزیشک بکرێت تاوەکو بەگوێرەی جۆری بەکتریاکە دژەبەکتریای گونجاو بەکاربهێندرێت.

* رەنگی پەمەیی؛ لە کاتی هێلکەدانان و سەرەتای دووگیانی ئەمە دەبینرێت و رەنگە کلامیدیا و هەوکردنی حەوز هۆکار بن بۆ ئەمە.