زانکۆی لوند لە سوێد: بۆ پاراستنی دڵ سەوزە و میوە بخورێت

توێژینەوەکە لە زانکۆی لوند لە سوێد ئەمجامدراوە و 23 هەزار کەس بەژدارییان تێداکردووە و بۆ ماوەی 25 ساڵ بەردەوامبووە، دەرکەوتووە کە ئەوانەی بنچینەی خواردنەکانیان سەوزە بووە، مەترسیی تووشبوونیان بە پەککەوتنی دڵ کەمتربووە. 

د. شونمینگ ژان، سەرپەرشتیاری توێژینەوەکە دەڵێت: ''خواردنی چەوریی ناتێر، سەوزە و میوەکان چەوری زیانبەخشی جەستە کەمدەکەنەوە و بەسوودن بۆ تەندروست مانەوەی دڵ و پێشگیریکردن لە پەککەوتنی دڵ''.

بەگوێرەی ناوەندی کلیڤلاندی پزیشکی، پەککەوتنی دڵ کاتێک روودەدات کە دڵ ناتوانێت بەگوێرەی پێویست پاڵ بە خوێنەوە بنێت بۆ بەشەکانی دیکەی جەستە، بەمەش هۆکاردەبێت بۆ جەڵتە و دواتریش گیانلەدەستدان.