رووداو دیجیتاڵ
بەرزبوونەوەی نرخی نەوت و بەدوای ئەودا بەرزبوونەوەی بەهای دۆلاری ئەمریکی، ئەمڕۆ پێنجشەممە نرخی زێڕیان دابەزاند.
لە دوای کردنەوەی بازاڕەکانی ئاسیا، نرخی ئۆنسەیەک زێڕ بەڕێژەی 0.5٪ دابەزی و بە 5155 دۆلار مامەڵەی پێوەکرا.
نرخی زێڕ لە گرێبەستەکانی داهاتووشدا بۆ رادەستکردنی لە مانگی داهاتوودا بەڕێژەی 0.4٪ دابەزی و لە نزیک 5156 دۆلار مامەڵەی پێوەکرا.
بەرزبوونەوەی نرخی نەوت و نیگەرانی لە بەرزبوونەوەی هەڵاوسان، نرخی دۆلاری ئەمریکی ئەمڕۆ بەڕێژەی 0.3٪ بەرزکردەوە و ئەوەش بووەتە هۆکار بۆ دابەزینی نرخی زێڕ.
نیکۆلاس فراپێل، شرۆڤەکاری سەر بە کۆمپانیای راوێژکاری (ئەی بی سی ریفاینەری) لەو بارەیەوە رایگەیاند، "بەرزبوونەوەی نرخی دۆلار و کەمبوونەوەی ئەگەری دابەزاندنی سوودی بانکی، زیانی لە نرخی زێڕ داوە."
