رووداو دیجیتاڵ
سەرچاوەیەک لە وەزارەتی دارایی هەرێمی کوردستان بە تۆڕی میدیایی رووداوی گوت، "پێمان گوتراوە کە سبەی یان دوو سبەی یەک تریلیۆن دینار لە بەغداوە بۆ مووچەی مانگەکانی 11 و 12ـی مووچەخۆران دەنێردرێت"
سەرچاوەکە گوتیشی، 430 ملیار دیناری تەواوکەری مووچەی مانگی 11یە و 570 ملیار دینارەکەی دیکەیش بۆ مووچەی مانگی 12یە.
رۆژی 03-11-2024 لیستی مووچەی مانگی 10ـی مووچەخۆرانی هەرێمی کوردستان لەلایەن تیمێکی تەکنیکیی وەزارەتی داراییەوە رادەستی وەزارەتی دارایی عێراق کرا، تاوەکو وردبینی تێدا بکرێت.
رۆژی 16-12-2024، وەزارەتی دارایی هەرێمی کوردستان لیستی مووچەی مانگی 10ـی مووچەخۆرانی بڵاوکردەوە.
هەرێمى کوردستان مانگانە پێویستى بە 988 ملیار دینارە بۆ مووچەی مووچەخۆران و فەرمانبەرانی هەرێمی کوردستان.
