لەبارەی رووداوی "کۆمەڵکوژییەکەی" گوندی گرێزەی سەیدسادق، گوتەبێژی پۆلیسی سلێمانی بە رووداوی گوت: "بکوژەکە لەنێو ئەندامانی خێزانەکەدایە، کێشەیەکی بچووکی لەگەڵ باوکی هەبووە و دواتر ئەم رووداوە روویداوە."
شا چارڵزی سێیەم و شاژن کامێڵای هاوژینی پیرۆزبایی لە بەهێ جاف، کچی حامید بەگی مەجید بەگی وەسمان پاشای جاف دەکەن بەبۆنەی داگیرساندنی مۆمی 100 ساڵەی تەمەنی و دەڵێن: "خۆشحاڵین کە ئاهەنگی 100 ساڵەی تەمەنت دەگێڕیت."
پۆلیسی سلێمانی دەڵێت، لەسەر سکاڵای شێرزاد عەبدولوەهاب [ناسراو بە مام ڤاندام] بە تۆمەتی خراپ بەکارهێنانی ئامێرەکانی پەیوەندیکردن، کەسایەتییەکی تۆڕە کۆمەڵایەتییەکانیان دەستگیرکردووە کە بە "کاروان بەرخەسپی" ناسراوە
ئەمشەو ئەستێرەکانی سینەما لە ئاسمانی شاری لۆس ئەنجلس دەدرەوشانەوە و لە هۆڵی دۆلبی هۆڵیوود بەشدارییان لە 96ـەمین رێوڕەسمی دابەشکردنی خەڵاتەکانی ئۆسکار بۆ ساڵی 2024 کرد. فیلمی ئۆپنهایمەر حەوت خەڵاتی ئۆسکاری بردەوە.
ماتۆڕی گەنجەکە دەستی بەسەردا گیراوە و پۆلیسیش دەڵێت، "گەنجەکە هەوڵی داوە رابکات"
سەرۆکی هەرێمی کوردستان لەو چوارچێوەی دووەم رۆژی کۆنفرانسی ئاسایشی میونشن، لەگەڵ سەرۆککۆماری ئازەربایجان کۆبووەوە، بەگوێرەی سەرۆکایەتیی هەرێمی کوردستان هەردوولا باسیان لە پتەوکردنی پەیوەندییەکان و رێکارەکانی کردنەوەی کونسوڵخانەی گشتیی ئازەربایجان لە هەولێر کردووە.
لە چەند رۆژی رابردوو لێدوانی ئەسرەوانێکی زەردەشتییەکان لەبارەی مزگەوتەکانی هەرێمی کوردستان کاردانەوەی بەدوای خۆیدا هێنا، ئەو رێبەرە ئایینیە دەڵێت، قسەکانی بە مەبەستی سووکایەتیی نەکردووە، "ئەگەر پەیامەکەم هەڵەگەیشتووە، داوای لێبووردن دەکەم."
شەوی رابردوو هەولێر بە 10 مووشەک لەلایەن سوپای پاسدارانی ئێرانەوە بە ئامانج گیرا، لەوانە پێنج مووشەکیان بەر ماڵی پێشڕەو دزەیی، سەرمایەداری هەولێر کەوت، بەهۆیەوە سێ کەس گیانیان لەدەستدا، یەکێک لەو کەسانە کەرەم میخائیل، بازرگانی عێراقی بوو گیانی لەدەستدا.
ناردنی ئەو پارەیە لەچوارچێوەی پشکی هەرێمی کوردستان لە بودجەی ساڵی 2024ـە، "واتە قەرز و سولفە نییە"
لەبارەی دەنگە گەورەکەی ئەمشەوی هەولێرەوە، دژەتیرۆری کوردستان دەڵێت، دەنگەکەی ئەمشەوی گەڕەکی قەڵاتی نوێ لە هەولێر بەهۆی تەقینەوەی نارنجکۆکێک بووە. هیچ هێرشێکی دڕۆنی نەکراوەتەسەر هەولێر.
2023، ساڵی رووداوی گەورە، کارەساتی تۆقێنەر، رووداوی سیاسیی کە وڵاتانیان لەیەکدی دوورترخستەوە، ساڵی دەستپێکردنی شەڕێکی خوێناوی لە غەززە و کوژرانی هەزاران کەس، هەروەها لەسەر ئاستی هەرێمی کوردستان و عێراقیش ساڵی بەردەوامیی ناکۆکییەکان بوو، لەگەڵ ئەوەشدا ساڵی داهێنانی پزیشکی و بەرەوپێشچوونی زیاتری ژیریی دەستکرد و ساڵی بەرەوپێشچوونی تەکنەلۆژیا پزیشکییەکان بوو.
ئەمڕۆ لە بنکەکانی کۆمیسیۆن لە کەرکووک دەنگی 31 وێستگە جیاکراونەتەوە، بەپێی ئەو داتایانەی دەست هەردی محەممەد، پەیامنێری رووداو گەیشتوون، یەکێتیی نیشتمانیی کوردستان خاوەنی زۆرترین دەنگە لە کۆی ئەو وێستگانە، لە بەشێک لە وێستگەکانیش لایەنە عەرەبییەکان هیچ دەنگێکیان بەدەست نەهێناوە.
زیاتر لە دوو مانگە هێرشەکانی ئیسرائیل لە کەرتی غەززە بەردەوامە، بەگوێرەی تەندروستیی غەززە تەنیا لە یەک هێرشدا نزیکەی 100 فەلەستینی گیانیان لەدەستداوە کە بەشێکیان منداڵن.
تاوەکو کاژێر 12:00 رێژەی بەشداریی لە پرۆسەی دەنگدان لە کەرکووک لە 32% و لە پارێزگای ئەنباریش 27% بووە.
بەیانیی ئەمڕۆ لە ناوچەی مەدینە سەدری بەغدا بنکەیەکی دەنگدانی هێزە تایبەتەکان بە نارنجۆکێکی دەنگی کراوەتە ئامانج. گوتەبێژی وەزارەتی ناوخۆی عێراقیش دەڵێت، "کێشەیەکی گەورە نییە و لێکۆڵینەوە لە رووداوەکە دەکەین."
تەندروستیی غەززە دەڵێت، لە ئەنجامی هێرشەکانی سوپای ئیسرائیل زیاتر لە 15200 کەس لەو ناوچەیەی فەلەستین کوژراون و زیاتر لە 40 هەزار کەسی دیکە برینداربوون. ئێستا غەززە بە چڕی لەلایەن سوپای ئیسرائیلەوە بۆردوومان دەکرێت.
ئەمڕۆ دوای 17 ساڵ، هەڵبژاردنی ئەنجوومەنی ژوورە بازرگانی و پیشەسازییەکان لە هەرێمی کوردستان بەڕێوەچوو، لە سلێمانی 3760 دەنگیاندا و بەربژێرێکی ژن ریزبەندی یەکەمی لیستەکەی گرتووە و لە هەڵەبجەش 584 دەنگدەر بەشدارییان کرد و هەولێریش تاوەکو ئێستا ئەنجامەکان ئاشکرانەکراون. لە دهۆکیش 11 کەس بوون بە ئەندامی ئەنجوومەن و 6 کەسیش وەکو ئەندامی یەدەگ دیاریکران.
دەزگەی ئاسایشی هەرێمی کوردستان دەڵێت، لە ئۆپەراسیۆنێکدا، دوو بازرگانی مادەی هۆشبەریان دەستگیرکردووە لەگەڵ 50 کیلۆگرام کریستاڵ(جۆرێکی مادەی هۆشبەرە).
بەیانیی ئەمڕۆ شاندێکی هەرێمی کوردستان بەرەو بەغدا بەڕێکەوتن بۆ کۆبوونەوە لەگەڵ سەرۆکوەزیرانی عێراق و بەرپرسانی دیکەی بەغدا تایبەت بە پرسی مووچەی فەرمانبەران، هەموارکردنەوەی یاسای بودجە و پرۆسەی هەناردەکردنەوەی نەوتی هەرێمی کوردستان.
مەسرور بارزانی، سەرۆکی حکومەتی هەرێمی کوردستان رایگەیاند، کورد هاوشێوەی فەلەستینی و ئیسرائیلییەکان داوای ماف و شکۆمەندییان کرد، "بەڵام دۆزی ئێمە پشتگوێ خراوە"، هەروەها گوتی، ئەگەر بڕیارە تاکلایەنەکانی عێراق بەردەوام بن، هەستی نادادپەروەری قووڵتر دەبێتەوە
وەزارەتی کشتوکاڵی حکومەتی هەرێمی کوردستان هاونیشتمانییان ئاگاداردەکاتەوە و دەڵێت، "تکایە هەموو لایەک بە وردی چاودێریی دۆخی باران و لافاو بکەن، خۆتان و خێزانەکانتان لە کەنار و رووبار و چەمەکان مەترسی راڕەوی لافاو و پاشاوی بەنداوەکان دووربکەونەوە."
پارێزگاری سلێمانی رایگەیاند، هەموو فەرمانگە پەیوەندیدارەکانی سنووری پارێزگای سلێمانی لە ئەرکدا دەبن و دەسەڵاتییان بەخشیوەتە سەرۆکی یەکە کارگێڕییەکان "لە هەر دۆخێکی پێویستدا لە بەرژەوەندیی هاووڵاتییان بڕیار بدەن."
