ئەگەر پێوەرەكە تەنیا مێژوو بێت، كەم نەتەوە هەیە لە دنیادا هێندەی كورد ‏پەیوەست بووبێت بە چاندنی دانەوێڵە بەتایبەت گەنم ‌و جۆ، تاوەكو ئەو ‏رادەیەی پڕۆفیسۆرێكی بواری گەنم ‌و بنەتۆوە، باس لەوە دەكات مێژووی ‏ماڵیكردنی دانەوێڵەكان لە كوردستان بۆ 10 هەزار ‌و 500 ساڵ لەمەوبەر ‏دەگەڕێتەوە، تەنانەت دەگاتە ئەوەی كە بڵێ‌ پێش گوندی چەرمووی نزیك ‏چەمچەماڵیش، گەنم لە ناوچەی بێستانسووری شارەزوور كراوە. بۆ ئەوەش ‏بەڵگەی تەواوی لەبەر دەستە، بەڵام لەدوای سەتان ساڵ، بەبۆچوونی ‏بەشێكی میوانەكانی ئەم بەرنامەیە هەنگاو بە هەنگاو كوالێتیی گەنمی ‏كوردستان بەرەو دابەزین چووە ‌و بەشێك لە بەها خۆراكییەكەی لەدەستداوە.

بەپێی دوایین هەڵبژاردنی ئەنجوومەنی پارێزگاكانی كەركووک، كە ساڵی ‏‏2023 كراوە، دەنگی كورد لە بەرامبەر عەرەب ‌و توركمان زۆر زیاترە، ‏بەجۆرێك لەو هەڵبژارنە دا پێكهاتەی كورد 243 هەزار ‌و 113 دەنگی هێناوە ‌و ‏بەوەش رێژەكەی گەیشتە 44٪.

لە كۆتایی بەرنامەكە دا پیاوێكی بەساڵاچوو مایكی بەرنامەی وەرگرت و بە ‏دەنگێكی نوساو دوا و گوتی: "من لە گوندی قوتانم چوار هەزار دۆنممان هەیە ‏تاوەكو ئێستا لە گوندەكەم ماوم زۆر بێزاریان كردووم. ئەیانەوێ‌ گوندەكەم ‏چۆڵ بكەم بەڵام من ئەوە ناكەم. ئێمە زۆر مەزڵوومین، كوردێكی مەزڵوومین زۆر ‏مەزڵوومین زۆر زۆر، بەڵام گوندەكەمان هەر چۆڵ ناكەین بەرگری دەكەین". ‏

كەمتر لە مانگێكی ماوە بۆ سەرژمێری لە عێراق، بەڵام بەهۆی ناكۆكییەكانی ‏هەرێمی كوردستان ‌و حكومەتی عێراق هێشتا دیار نییە ئەو سەرژمێریە ‏دەكرێت یان نا، كورد ترسی هەیە لەوەی سەرژمێریەكە بۆ مەبەستی سیاسی، بەتایبەت لە ناوچە كێشەلەسەرەكان بەكاربێت. ​ حكومەتی عێراقیش دڵنیایی ‏ئەوە دەدات كە سەرژمێریەكە بۆ گەشەپێدانە ‌و هیچ مەبەستێكی دیكەی ‏نییە، هەرچەندە قۆناخی یەكەمی كارەكانی سەرژمێری لە عێراق 97٪ تەواو ‏بووە بەڵام بەهۆی ئەو قەلەقییەی بەرپرسانی لایەنی پەیوەندار لە هەرێمی ‏كوردستان تەنیا 70٪ كارەكانی قۆناخی یەكەم كراوە، هەرچەندە لە ‏پڕۆسەی گەمارۆسازیدا نوێنەری نەتەوە جیاوازەكان بۆ سەرژمێری ئامادە ‏نابن، بەڵام لە رۆژی سەرژمێریی گشتیدا نوێنەری هەرسێ‌ نەتەوەكە ‏‏(عەرەب، توركمان ، كورد) ئامادە دەبن، بەرپرسانی كورد مەترسییەكەیان ‏لە سەرژمێری لەوە سەرچاوە دەگرێت كە هێشتا بەرپرسانی عێراق ئامادەنین ‏داواكارییەكانی كورد جێبەجێ‌ بكەن كە یەكێكیان دانانی داتاسەنتەرە لە ‏هەرێمی كوردستان بەهاوشێوەی عێراق.

سەرۆكی یەكێتیی هاوردە و ‏ناردنكارانی ‏هەرێمی ‏‏‏كوردستان دەڵێت، ‏تەشەنەكردنی شەڕی ‏ئیسرائیل و حەماس بۆ لوبنان، بووەتە هۆكاری سستبوونی جووڵەی بازرگانی لەنێوان هەرێمی كوردستان ‌و بەشێک لەو ‏وڵاتانەی بازرگانییان لەگەڵ دەكات

بەرپرسانی كورد ترسی ئەوەیان هەیە سەرژمێریی گشتی لە عێراق كە لە ‏سەرەتای مانگی نۆی ئەم ساڵەوە هەنگاوەكانی دەستیان پێكردووە و بڕیار لە ‏‏20-11 ئەنجامبدرێت، ببێتە هۆكارێكی دیكە بۆ دابڕاندنی ناوچە ‏كوردستانییەكانی دەرەوەی ئیدارەی هەرێمی كوردستان لە كوردستان ‏بەتایبەت ئەگەر ئەو 110 هەزار خێزانە عەرەبەی لە دوای رووداوەكانی 16ی ‏ئۆكتۆبەر هێنراونەتە سنووری كەركووك وەكو كەركووكی ناویان لە‌و ناوچانە ‏تۆمار بكرێت.

تەعریب بە دووریی 64 کیلۆمەتر لە سنووری هەولێر بەخێرایی دەکرێت. نەبوونی ئارامی، کەمیی خزمەتگوزاری و چەندین کێشەی دیکە، بوونەتە هۆی ئەوەی گوندە کوردنشینەکانی مەخموور بەرەو چۆڵبوون بچن.

خەڵکی هەرێمی كوردستان ترسیان لە شێرپەنجە زیاترە، لە كاتێكدا ‏بەپێی ئامارێكی وەزارەتی تەندروستی، هۆكاری پێنجەمی ‏مردنە؛ هۆكاری یەكەمی مردنیش لە جیهان ‌و كوردستانیش گیرانی ‏دەماری دڵە. لەم بەرنامەیەدا پزیشكێكی نەشتەرگەریی دڵ، چەندین زانیاری لەبارەی ‏دڵ باس دەكات، لە دڵدارییەوە تاوەكو هۆكاری گیرانی دەماری دڵ ‌و ‏نەشتەرگەریكردنیش بۆ دڵ، وەكو خۆی ئاماژەی بۆ دەكات، "مامەڵەكردنە ‏لەگەڵ دوو بۆ سێ‌ ملیمی بۆرییەك.‏"

رۆڵی پەروەردە‌ و فێركردن لە پێشكەوتی وڵاتدا چییە؟ ئایا ‏پەروەردە‌ و ‏فێركردن لەنێو ناوەندە ناحكومیەكاندا جیاوازی هەیە ‌و ‏پێشكەوتووترە؟ ‏یاخوود دۆخی ئەوانیش باش نییە، ئەم جۆرە ‏پەروەردەی ئێستا هەمانە هیچ ‏جۆرە پێشكەوتنێكمان تێدا دروست ‏دەكات؟ لەم بەرنامەیە بەدواداچوون بۆ ‏وەڵامی ئەو پرسیارانە‌ و ‏چەندین پرسیاری دیكەش كرا، مامۆستایەكی ‏بە ئەزموونی بەرنامەكە ‏رای وایە بەم جۆرە پەروەردەی ئێستا هەمانە هیچ ‏گۆڕانكارییەك ‏دروست نابێت.

بەرپرسێكی رێگەوبانی سلێمانی دەڵێت، لە كۆتایی ئەم ساڵدا رێگەی ‏دەربەندیخان - كەلار تەواو دەبێت ‌و هەوڵی جیدیش هەیە بۆ ‏دەستپێكردنەوەی قۆناخی دووەمی رێگەی دووكان – چوارقوڕنە.‏

بە قسەی بەشێك لە میوانەكانی ئەم بەرنامەیە بێت، پیتزا، ‏ستەیک، ‏چیكوفتە، ملوخییە ‌و بریانی ‌و چەندین خواردنی دیكەش لە ‏بنچینەدا هی ‏كورد بووە ناوەكانیان گۆڕیوە، چێشلێنەرێكی ‏بەنێوبانگی سلێمانیش باس ‏لەوە دەكات لە هەر چوار پارچەكەی ‏كوردستان كورد خاوەنی ‏‏1600 جۆر خواردنە. ​ سەرۆكی ‏دەستەی گشتوگوزاری هەرێمی كوردستانیش ‏وەكو میوانێكی ‏بەرنامەكە ئەوە دەخاتەڕوو چێشتلێنەرە كوردەكان ‏كەمترینیان ‏دەورەو دەرەوەی وڵاتیان بینیوە هەر بەپێی قسەی ئەوبێت ‏لە ‏مانگی 10 ئەم ساڵدا گەورەترین پێشبڕكێی خواردن لە شاری ‏سلێمانی بە ‏بەشداری نوێنەرانی 35 وڵات بەڕێوە دەچێت. ‏

نزیکەی 1000 شوێنەوار لە سنووری سلێمانی هەن، بەڵام تەنیا 30 پاسەوان بە مەبەستی پاراستنیان هەن. ‏بەڕێوەبەری مۆزەخانەی سلێمانی دەڵێت، لانیکەم پێویستیان بە نزیکەی 250 پاسەوانە. ئاماژە بەوەش دەکات، پارچە شوێنەوارە دۆزراوەکان ئەوە دەسەلمێنن، 4000 ساڵ پێش زایین خەڵک لە سلێمانی ژیاوە

‏خاوەن كێڵگەیەكی پەلەوەر لە بەرنامەکەدا گوتی: "هەموو جۆرە ڤاكسینێكم بۆ مریشكەكانم بەكارهێنا، بەڵام سوودی نەبوو، ‏دواجار پەنام بردەبەر شرووبی منداڵەكەم، ئەوەم دایە مریشكەكانم سوپاس ‏بۆخوا زۆر سوودم لێ بینیوە". خاوەن كێڵگەیەكی دیكە باسی لەوە كرد، سیر ‌و ‏پیاز بە تێكەڵاوی دەداتە مریشكەكانی و "زۆریش سوودم لێ بینیوە، بە جۆرێك ‏بەهۆی ئەو سیر‌ و پیازەوە، 50% كەمتر دەرمانی ڤێتێرنەری بەكاردەهێنم".

پیسبوونی هەوا لەرێگەی موەلیدە ئەهلییەكانەوە، مژاری ئەم ‏بەرنامە ‏تایبەتە بوو، بەپێی قسەی پڕۆفیسۆڕێكی كیمیایی ژیانی ‏پزیشكی بێت، ‏هەوای پیس هۆكارە بۆ تووشبوون بە نزیكەی چوار ‏هەزار جۆر نەخۆشی كە ‏بەشێكی زۆری ئەو هەوا پیسە بەهۆی ‏دووكەڵی موەلیدە ئەهلییەكانەوەیە كە ‏ژمارەیان لە هەرێمی ‏كوردستاندا 7354 موەلیدەیە. ئەمە جگە لەوەی بەشێك ‏لە خەڵكی ‏موەلیدەی تایبەتی خۆیان هەیە، وەك لە راپۆرتێكی ئەم ‏بەرنامەیەدا ‏پێشاندرا، موەلیدە ئەهلییەكانی هەرێمی كوردستان ‏‏5 ملیۆن ‌و290 هەزار ‌و ‏‏169 ئەمپێر كارەبا بەرهەمدەهێنن بۆ ‏سەرجەم هاوبەشەكانیان، كە ژمارەیان ‏‏(یەك ملیۆن 311 هەزار‌و ‏‏598هاوبەشە).

چۆنیەتیی خانەنشینكردنی كرێكاری رۆژانە لە یاسای نوێی كاردا، مافەكانی ‏كرێكاران، قسەی وەزیری كار بۆ ئەو خاوەنكارانەی كرێكارەكانیان ‏دەستەبەرناكەن، هۆكاری درەنگ یەكلایی بوونەوەی كێشەی كرێكاران لە ‏دادگای كار، ئەگەر كرێكارێك لەلایەن خاوەنكارەكەی ‌غەدری لێكرا ‏پەیوەندی بە چ ژمارەیەكەوە بكات؟، كرێكار دەبێت لە هەفتەیەكدا چەند ‏كاژێر كار بكات؟ ئایا لە كەرتی تایبەت تاوەكو چەند مافەكانی كرێكار ‏پارێزراوە؟ ئەمانە هەموو ئەو مژارانە بوون كە لەم بەرنامەیەدا تیشکیان ‏خرایەسەر.

.

سەرۆكی كۆمەڵەی گەشەپێدانی سامانی ماسی دەڵێت، لە ‏‏10 ساڵدا ‏ماسیی سرووشتیی نێو دەریاچەكانی دووكان ‌و دەربەندیخان بە رێژەی 35% ‏كەمیان كردووە. هۆكارەكەشی بۆ زۆریی راوكردن ‏گەڕاندەوە ‌و گوتی، ‏‏"تاوەكو مانگی 10 بەنیازی ‏هەرزانبوونی نرخی ماسی نەبن".‏

گوتەبێژی بەڕێوەبەرایەتیی ئاوی سلێمانی دەڵێت، هەرچەندە بەفیڕۆدانی ئاو ‏كەمبووەتەوە، بەڵام لە 6 مانگی یەكەمی ئەم ساڵدا زیاتر لە هەزار هاوبەشی ‏ئاو بەهۆی بەفیڕۆدانی ئاوەوە سزادراون. ‏

هەرچەندە دووربوون لەیەكتری، ئەو لە ستودیۆی هەولێر، ئەمیش لە ‏ئەشكەوتێكی نزیك سلێمانی لە(هەزارمێرد)، بەڵام لەسەر (مێژووی كورد ‌و ‏نەژاردەكەی) گفتوگۆیەكی گەرم لەنێوانیاندا دروست بوو، سۆران حەمەڕەش، ‏كە لە نێو ئەشكەوتەكەدا لەگەڵ ستافی بەرمامەكە ئامادەبوو بە هەموو ‏بڕوایەكیەوە، جەختی لەوە دەكردەوە، سۆمەرییەكان كورد بوون، تەنانەت ‏گەیشتە ئەوەی كە بڵێ‌ "كورد سۆمەری نییە، بەڵكو سۆمەرییەكان كورد ‏بوون، ئێمە بە هەموو شتێك سۆمەرین". ئەم بۆچوونەی نەك د. زرار كە ‏میوانی ئەم بەرنامەیە بوو، بەڵكو بەشێكی زۆری مێژوونووسانی كوردی ‏نیگەران كردووە.

گوتەبێژی سەرۆكایەتیی شارەوانیی سلێمانی شوێنی ئامادەکردنی زەوییەکان ئاشکرادەکات و مەرجەکان رووندەکاتەوە

بەشێك لە گۆشتفرۆشەكانی كوشتارگەی هاوچەرخی سلێمانی ئامادە نین ‏هیچ بڕە پارەیەك بدەن بۆ پشكنینی خوێنی ئاژەڵەكانیان. بەو هۆیەوە رۆژی شەممە هیچ ئاژەڵێك لە كوشتارگەی هاوچەرخی سلێمانی سەرنەبڕدرا.‏

بەڕێوەبەری گشتیی كارەبای سلێمانی دەڵێت، لەم سەرەتای وەرزی ‏هاوینەدا نزیكەی 12 كاژێر كارەبای نیشتمانی دەدەنە هاوبەشانی كارەبا، ‏پلانیشیان بۆ ئەوە داناوە لە خراپترین دۆخدا پێدانی ‏كارەبا لە 10 كاژێر كەمتر نەبێت.‏

دایکی تووشبوویەکی شێرپەنجە دەڵێت، "بۆ چارەسەری کوڕەکەم، لە دەرگەی مەرد و نامەردم دا". کوڕەکەی بەو نەخۆشییە گیانی لەدەستدا و دەڵێت: "تەنیا یەک شەو ئەڵقەی لەدەست کرد". چیرۆکەکانی هاوشێوە زۆرن. باوکی نەخۆشێکی دیکە دەڵێت: "چاندنی ‏مۆخی منداڵەكەم 400 هەزار ‏یۆرۆی دەوێت، ئەو پارەیە لە ‏كوێ‌ پەیدا بكەم".

تاوەكو دووەم رۆژی جەژنی قوربان زیاتر لە 75 هەزار گەشتیار چوونەتە سنووری پارێزگای سلێمانی ‌و پێشبینی دەكرێت ژمارەكە بگاتە زیاتر لە 120 هەزار گەشتیار.‏

دوای ئەوەی لە دادگای سلێمانی بڕیاری سێ‌ مانگ زیندانیكردن بۆ د. شوان ئادەم، مامۆستا زانكۆی هەڵەبجە بە تۆمەتی ناوزڕاندنی ناوی كچە ‏هونەرمەندێك دەرچوو، پارێزەری مامۆستاكەی زانكۆ دەڵێت، "تانە لە بڕیارەکە دەدەین". سەرۆكی لقی سلێمانی سەندیكای رۆژنامەنووسانی كوردستانیش ‏دەڵێت، "دەمانزانی دۆسیەكە دەدۆڕێنین."

دوای مانگ‌ و نیوێك لە بڕیاری لابردنی 50%ی رسوماتی گومرگیی هاوردەكردنی ئاژەڵ، ‏هێشتا نرخی گۆشت هەرزان نەبووە. بەڕێوەبەری سامانی ئاژەڵ لە سلێمانی دەڵێت، "لەبەر ئەوەیە کە تاکە رێگە بۆ هاوردەكردنی ئاژەڵ بە ئاسانی، ‏فڕۆكەخانەیە ‌و رێگەی وشكانی گرفتی زۆرە.‏"

بەڕێوەبەری گشتیی ‏پەروەردەی سلێمانی رایگەیاند، کردنەوەی قوتابخانەکانی سلێمانی لە وەرزی هاویندا بۆ خولی بەهێزکردنە، نەوەک دەوامکردن. دەشڵێت: ئەو مامۆستایانەی بەشداریی خولەکان دەکەن بڕە پارەیەکیان دەدرێتێ.

بەڕێوەبەری گشتیی بانكی ناوەندیی هەرێم لە سلێمانی رایگەیاند، لە ‏بانكەكانی سلێمانی پارەی پێویست بۆ دابەشكردنی مووچەی مانگی سێ‌ بۆ ‏ئەمڕۆ بەردەستە و "چاوەڕوانی وەرگرتنی پارە دەكەین بۆ رۆژانی داهاتوو.‏"

لە سێ ناوچەی سنووری پارێزگای سلێمانی بڕی بارانبارینی ئەم ساڵ هەزار ملیمەتری تێپەڕاندووە؛ بەپێی کەشناسیی سلێمانی، لە 24 کاژێری رابردووشدا زۆرترین باران لە قەرەداخ باریوە

بەپێی نووسراوێكی بەڕێوەبەرایەتیی نەوت ‌و كانزاكانی هەولێر پشكنینی ‏كوالێتی سووتەمەنی بەنزیخانەكان، بە تایبەت گازوایل چڕتر دەكرێتەوە ‌و ‏دوا مۆڵەتیش دەدرێتە ئەو بەنزیخانانەی سەرپێچی دەكەن. ​ سەرۆكی ‏ئەنجوومەنی بەنزیخانەكانی هەولێر هۆكاری زیاتركردنی پشكنینەكان ‏بۆ دوو بەرنامەی لەگەڵ رەنج دەگەڕێنێتەوە، كە لەسەر پیسبوونی ژینگە ‌و ‏خراپیی كوالێتیی سوومەتەنیی بەشێك لە بەنزینخانەكان بووە.‏

شەوی رابردوو گرژییەکانی نێوان پارتی سۆسیالیست دیموکراتی کوردستان جارێکی دیکە سەریانهەڵدایەوە، ئەمەش دوای ئەوەی بەرپرسێکی ئەو حیزبە بە بڕیاری سەرۆکی حیزب گۆڕدرا.

توانا فەرەج، میوزیكژەن لە تەمەنی 52 ساڵیدا لە شاری سلێمانی ‏كۆچی دواییكرد.‏

درەنگانی شەوی رابردوو لە گەڕەكی سەرچناری سلێمانی ‏تەقەیەكی زۆر کرا و دەنگۆیەک هەبوو کە تەقەکان لە درۆن کراون، بەڵام لێپرسراوی راگەیاندنی دەزگای ئاسایشی هەرێمی ‏كوردستان دەڵێت، ‏"تەقە لە ‏درۆن نەكراوە، بەڵكو شەڕە تەقەکە لەنێوان دوو كەس بووە".‏

گوتەبێژی هاتووچۆی سلێمانی رایگەیاند، لە رووداوێکی هاتووچۆدا لەنزیک دووڕیانی سەرچنار دوو کەس گیانیان لەدەستدا و کەسێکیش بریندار بووە. بریندارەکە شۆفێری ئۆتۆمبێلەکە بووە و لە نەخۆشخانە دەستبەسەر کراوە

لەنزیك گوندی كۆتڵەی ناحیەی سوورداشی قەزای دووكان، بەیانیی ئەمڕۆ ‏ئۆتۆمبێلێكی جۆری ئەڤەلۆن وەرگەڕا، سەرنشینێکی ئافرەت گیانی لەدەستدا و دوای رووداوەکەش شوفێرەکە هەڵات.

ئاگر لە چیای ئەزمڕ کەوتووەتەوە و دیوی سیتەكیشی گرتووەتەوە. بەڕێوەبەری بەرگریی شارستانیی ‏سلێمانی دەڵێت، "چەند تیمێكمان بۆ كۆنترۆڵكردنی ئاگرەكە ناردووە ‌و ئەگەر رەشەبا ‏رێگر نەبێت كۆپتەریش بەكاردەهێنین"."

ئەمڕۆ دووشەممە 10-07-2023، شاعیر جەمال ئەمین عارف، ناسراو بە جەمال شارباژێڕیی لە لەندەنی پایتەختی بەریتانیا بە نەخۆشی شێرپەنجەی خوێن کۆچی دواییکرد.

گەشتیارانی باشووری کوردستان گرنگی بە ناوچە گەشتیارییەکانی باکووری کوردستان نادەن و زیاتر سەردانی ناوچە گەشتیارییەکانی تورکیا دەکەن. سەرۆكی لقی سلێمانیی ‏‏كۆمەڵەی كۆمپانیا ‏گەشتیارییەكانی ‏هەرێمی ‏‏‏‏كوردستان دەڵێت؛ "ئێستا پەیوەندییەکانمان لەگەڵ کۆمپانیا و بەرپرسانی گەشتیاریی باکووری کوردستان بەهێزکردووە و چەندین گرووپی گەشتیاریمان رەوانەی باکووری کوردستان کردووە."

ئەو ئاگرەی لە نیوەڕۆی رۆژی یەكشەممەوە لە سنووری گوندەکانی شارباژێڕ كەوتووەتەوە ‏بەردەوامە ‌و تاوەكو ئێستا نزیكەی 1000 دۆنم زەوی سووتاوە‌، چەند ‏كەسێكیش بە تۆمەتی خستنەوەی ئاگرەكە دەستگیر كراون

سەبارەت بە چوونە دەرەوەی عومەری سەید عەلی، رێكخەری كاربەڕێكەری ‏بزووتنەوەی گۆڕان، ئەندامەكەی جڤاتی نیشتمانیی بزووتنەوەی گۆڕان گوتی، هۆكاری چوونە دەرەوەكە تەندروستییە ‌و پەیوەندی ‏بەوەوە نییە كە نیگەران بووبێت ‌و گوتیشی، "دوای وەرگرتنی چارەسەر، كاك ‏عومەر دەگەڕێتەوە سەر كارەكەی".‏

لە شاری سلێمانی بەرپرسی بەشی فرۆشتنی وزەی كارەبا لە كاتی دەوامی ‏فەرمیدا دەستگیر دەكرێت و هۆكاری دەستگیركردنەكەی ئاشكرا ‏نەكراوە

بەرەبەیانیی ئەمڕۆ چوارشەممە 7-6-2023، لە گەڕەكی شەهیدانی سەرچناری سلێمانی، ‏كەسێكی تەمەن 41 ساڵ لە ماڵەكەی خۆیدا کوژرا. پۆلیسی ‏سلێمانی دەڵێت، "لێكۆڵینەوە دەستیپێكردووە، بەڵام بكوژەكە دەستگیر ‏نەكراوە."

وەزیری كشتوكاڵ و سەرچاوەكانی ئاوی هەرێمی كوردستان دەڵێت، "بۆ ‏چارەسەركردنی کێشەی کەمیی وەرگرتنی گەنمی جووتیارانی هەرێمی كوردستان، ‏پەیوەندیمان بە بەرپرسانی حكومەتی عێراقەوە كردووە ‌و داوامان کردووە گەنمی زیاتر لە جووتیاران وەربگیرێت". گوتیشی، "بڕیارە داواكارییەكەمان بگاتە ‏سەرۆكوەزیرانی عێراق".‏

پاشنیوەڕۆی ئەمڕۆ لە دەربەندیخان تەقە لە ماڵی سەرۆکی شارەوانیی قەزاکە کراوە و قایمقامیش دەڵێت، "لەسەر کەیسێکی زیادەڕۆیی بووە و تەقەکەرەکەش تائێستا دەستگیر نەکراوە."

هەولێر و بەغدا دانوستاندنەکانیان لەبارەی بودجە دەستپێدەکەنەوە

ئەمڕۆ پێنجشەممە 9ی تەممووزی 2020، هەزاران دەروێش و موریدی شێخ محەممەد کەسنەزانی لە سنووری رۆژهەڵاتی کوردستانەوە بەبێ پشکنینی کۆرۆنا و پاسپۆرت هاتنە نێو هەرێمی کوردستان و دەیانەوێت بەشداری لە پرسەی رێبەرەکەیان بکەن لە سلێمانی. بە گوتەی بەرپرسێکی دەروازەی نێودەوڵەتیی باشماخ، شەش کەس بە فیشەکی هێزە ئەمنییەکانی ئێران بریندارکراون، هاوکات وەزارەتی تەندروستیی هەرێمی کوردستان هۆشداریی داوە و دەڵێت، ئەگەر پشکنین نەکرێت لەوانەیە پاش دوو هەفتە کارەسات رووبدات

#SUMMARY#