لە حاجیاواوە بۆ وارشۆ؛ ژووری چاوەڕوانیی کەسوکاری...

گالەری

لە حاجیاواوە بۆ وارشۆ؛ ژووری چاوەڕوانیی کەسوکاری کۆچبەران

19-06-2024

18 Photos

راوچی حەسەن @Rawchihasan

‎رووداو دیجیتاڵ

‎فۆتۆگرافەرێکی کورد وێنەی کەسوکاری ئەو کۆچبەرانە پیشان دەدات، کە رۆڵەکانیان تاوەکو ئێستا لە رێگەی کۆچدا بێسەروشوێن بوون و هیچ سۆراخێکیان نییە.

‎وێنەکان لەلایەن فۆتۆگرافەر شەماڵ حوسامەدین لە رۆژی 17-06-2024 لەژێر ناوی "ژووری چاوەڕوانی" لە پێشانگەیەکدا لە وارشۆی پایتەختی پۆڵەندا نمایشکراون.

‎ئەو فۆتۆگرافەرە دانیشتووی قەزای حاجیاوای سنووری ئیدارەی راپەڕینە، بە رووداوی راگەیاند "بە شانازییەوە دەڵێم کە بە هاوکاری رێکخراوی هێلسنکی فاوەندیشن و کەی سی ئەی سی (Helsinki foundation و kcac ) پێشانگەیەکی فۆتۆگرافیم لە ژێر ناونیشانی ( ژووری چاوەڕوانی ) کردەوە، کە بووە جێگەی سەنجی زۆری ئەو کە لە پێشانگەکەدا ئامادە بوون."

فۆتۆکانی شەماڵ تایبەتن بەو خێزانانەی رۆڵەکانیان لە رێگەی کۆچدا بێسەروشوێن بوون و چارەنووسیان نادیارە.

شەماڵ دەشڵێت "لە پێشەنگەکەدا ئازار و مەینەتی چاوەڕوانی درێژی ئەو خێزانانەم بۆ بینەری پۆڵەندی و ئەوروپی گواستەوە، بۆ ئەوەی ببێتە خەمێکی جیهانی."

‎لە بەشێکی دیکەی قسەکانیدا ئەو فۆتۆگرافەرە ئاماژەی بەوەدا "لە پەراوێزی پێشەنگاکەدا چەندین تەوەر لەبارەی کۆچبەران قسەی لەسەر کرا و فلیمی سینەمایی پیشاندران. منیش وەکو قسەکەر و بەشداربوویەکی چالاک را و سەرنجەکانم خستە بەردەم بینەران کە چ بکرێت بۆ ئەم خەمە تراژیدییایەی بەسەر کەسوکاری ئەو کۆچبەرانەدا هاتووە."