رووداو دیجیتاڵ
هاووڵاتییەکی تورکیا دوای ئەوەی دوو دووپشکی خوارد، گیانی لەدەستدا.
بیلال یغیتی تەمەنی 56 ساڵ بوو. کەسوکارەکەی دەڵێن، تووشی دەرمارگیریی ببوو، وەکو کاردانەوە دوو دووپشکی خواردووە.
ئەو کەسە خەڵکی گوندی حەسەنجک بوو لە شارۆچکەی کۆجاسینانی سەر بە پارێزگای کایسەری. بە گوتەی کەسوکارەکەی، یغیت دوای خواردنی دووپشکەکان، چووەتە گەراج و ویستوویەتی بە پاس بچێتە پارێزگای ئارتڤین.
لەوکاتەی پاسەکە گەیشتووەتە پارێزگای سامسوون، دووپشکخۆرەکە تەندروستیی تێکچووە و گەیێندراوەتە نەخۆشخانە. لە نەخۆشخانەکەش بە پزیشکی گوتووە دوو دانە دووپشکی خواردووە.
سەرەڕای هەوڵی پزیشکانی نەخۆشخانە، بیلال یغیت بەهۆی ژەهراویبوونەوە گیانی لەدەستدا.
