رووداو دیجیتاڵ
گرووپە چەکدارەکانی سووریا دوو گوندی سنووری شارۆچکەی تل تەمر تۆپباران دەکەن.
بەگوێرەی زانیارییەکان، هەردوو گوندی (ئوم کێف و گۆزەلی) لە رۆژئاوای شارۆچکەی تل تەمر لە لایەن گرووپە چەکدارەکانەوە "بەسەختی" تۆپباران دەکرێن.
تل تەمر دەکەوێتە کانتۆنی جزیرە و لەژێر دەسەڵاتی شەڕڤانانی هێزەکانی سووریای دیموکرات (هەسەدە)دایە. لە سەرەتای هەفتەی رابردووەوە ئەمە سێیەم جارە ئەو ناوچانە تۆپباران دەکرێن.
شەوی رابردوو میدیای بەڕێوەبەرایەتی خۆسەر رایگەیاند، "تورکیا و گرووپە چەکدارەکانی سەر بەو وڵاتە"، گوندەکانی دەوروبەری کۆبانێ و گرێسپی، هەروەها دەوروبەری پردی قەرەقۆزاقیان تۆپباران کردووە.
رۆژی 08-12-2024 چەکدارانی دەستەی تەحریری شام گەیشتنە دیمەشق و کۆتاییان بە دەسەڵاتی بەشار ئەسەد هێنا، لەو کاتە بەدواوە هێرشی گرووپە چەکدارەکان بۆ سەر ناوچەکانی ژێر دەسەڵاتی هەسەدە زیادیکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ