کۆڕی ساڵانەی شیعری کوردی لە مەریوان
رووداو دیجیتاڵ
ئەنجوومەنی ئەدەبیی مەریوان بە هاوکاریی فەرمانگەی کولتووریی شارەکە، کۆڕی ساڵانەی شیعری کوردی بەڕێوە دەبات.
لە ماوەی دوو رۆژدا، شاعیرانی پارێزگاکانی ورمێ، سنە، کرماشان، ئیلام، لوڕستان و شاعیرانی کوردی خۆراسان و خوزستان بە شێوەزارەکانی لوڕی، لەکی، فەیلی، کەڵهوڕی، هەورامی، گەڕوسی، کرمانجی و سۆرانی بەرهەمەکانیان پێشکێش دەکەن.
ئەنجوومەنی ئەدەبیی مەریوان مانگێک پێش ئێستا بانگەوازێکی بۆ بەڕێوەبردنی ئەو کۆڕە شیعرییە بڵاوکردووەتەوە. ئەوانەی خواستی بەشداریکردنیان هەبوو، بەرهەمەکانیان ناردووە و دوای هەڵسەنگاندن لەلایەن لیژنەی شیعری ئەنجوومەنی ئەدەبیی مەریوان، ژمارەیەکیان دەستنیشانکراون بۆ ئەوەی پێشکێش بکرێن.
کۆڕی ساڵانەی شیعری کوردی، دوو ساڵە بەڕێوە دەچێت. لەو ماوە کورتەدا توانیویەتی سەرنجی شاعیر و نووسەران بۆ لای خۆی رابکێشێت، بە هۆی ئاستی بەرزی ئەو بەرهەمانەی دەستنیشان دەکرێن و بەشداری زۆری ئەو شاعیرانەی بە شێوەزاری جیاواز هۆنراوەکانیان بڵاو دەکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ