گرووپی کیژانی سلێمانی کۆنسێرتێکی لە هەولێر سازکرد

‎گرووپی کیژانی سلێمانی لەدوای سازکردنی کۆنسێرتێک لە سەرەتای ئەمساڵ لە سلێمانی، هەمان کۆنسێرتی لە هەولێر سازکرد.

‎کۆنسێرتەکە لە چوارچێوەی چالاكییە رۆشنبیری و هونەرییەكانی بەڕێوەبەرایەتیی گشتیی رۆشنبیری و هونەریی هەولێر لە هۆڵی رۆشنبیری سازکرا و ژمارەیەکی بەرچاو لە هونەرمەندان و هەوادارانی میوزیک و گۆرانی تێیدا ئامادەبوون

‎گرووپی كیژانی سلێمانی بە سەرپەرشتیی هونەرمەند ئەنوەر قەرەداخی چەند بەرهەمێکیان پێشکێش بە ئامادەبووان کرد.

‎گرووپەکە لە 26ی تشرینی دووەمی 2003ـدا بە سەرپەرشتیی هونەرمەند ئەنوەر قەرەداخی دامەزرا، چەندین بەرهەمیان هەیە و کۆنسێرتیان لە شارەکانی باشووری کوردستان سازکردووە.