رووداو - هەولێر
بەڕێوەبەری گشتیی پۆلیسی هەولێر رایگەیاند، بەمزووانە فەرهاد پیرباڵ ئازاددەکرێت.
عەبدوڵخالق تەلعەت، بەڕێوەبەری گشتی پۆلیسی هەولێر بە (تۆڕی میدیایی رووداو)ی راگەیاند، فەرهاد پیرباڵ ئازاددەکرێت و تەنیا رێوشوێنە یاساییەکان ماون.
رۆژی 11-3-2018 بەپێی ماددەی 226 لە یاسای سزادانی عێراقی ژمارە 111ـی ساڵی 1969 و بە فەرمانی دادوەری گشتی، فەرهاد پیرباڵ دەستبەسەرکرا.
فەرهاد پیرباڵ، نووسەر و مامۆستای زانكۆی سەڵاحەدینە. لە ساڵی 1961 لە شاری هەولێر لەدایكبووە و قۆناخی زانكۆی لە شاری سلێمانی تەواوكردووە.
پیرباڵ لە زانكۆی سۆربۆنی پاریس دكتۆرای لەبواری "مێژووی ئەدەبی كوردی" بەدەستهێناوە و لە ساڵی 1994 گەڕاوەتەوە هەرێمی كورستان. خاوەنی زیاتر لە 40 كتێبە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ