بەوێنە؛ یەکەم رۆژی کۆڕبەندی هەولێر

کۆڕبەندی ئەمساڵی هەولێر بە ناونیشانی "نادڵنیاییە کەڵەکەبووەکان لە داهاتووی رۆژهەڵاتی نێوەڕاست دا"ـیە، تێیدا زەوینەی گفتوگۆ و پێشنیازی چارەسەر بۆ دۆخی سووریا، تورکیا، عێراق و ناوچەکە دەڕەخسێنێت، لەگەڵ دەرفەتەکان بۆ چارەسەری پرسی کورد لە هەر چوار وڵاتدا.

لە کۆڕبەندەکەدا گوتاری د. عەبدولەتیف رەشید، سەرۆککوماری عێراق، محەممەد شیاع سوودانی، سەرۆکوەزیرانی عێراق پێشکێش کران، هەروەها سێ چاوپێکەوتنی تایبەت لەگەڵ مەحموود مەشهەدانی، سەرۆکی پەرلەمانی عێراق و نێچیرڤان بارزانی، سەرۆکی هەرێمی کوردستان و زەکەریا یاپیجیۆغڵو، سەرۆکی هوداپار کرا.

هەر لە چوارچێوەی یەکەم رۆژی سێیەم کۆڕبەندی هەولێر دا، ئەمڕۆ چوار پانێڵ بەو ناونیشانانە بەڕێوەبردران:

1 - داهاتووی سووریا لەدوای ئەسەد؛ داڕشتنەوەی پێکهاتەی ئەمنی و سیاسی لە ناوچەکە

2 - حکومەتە رۆژئاواییەکان و پرسی پاراستنی مافی کەمینەکان لە سووریای دوای رژێمی ئەسەد. داهاتووی ئاسایش، هاوسەنگییە سەربازی و ئەمنییەکان لە رۆژهەڵاتی نێوەڕاست

3 - بەردەوامیی شەڕ و گرژییەکان یان هاوسەنگی و سەقامگیری، تێکەڵاوبوون بە دەوڵەت

4 - جێگیرکردنی دەسەڵات و قۆناخی راگوزەری سیاسی؛ تەگەرەکانی سووریای دوای ئەسەد

5 - دیدگاکانی سەردەمێکی راگوزەر لە رۆژهەڵاتی نێوەڕاست: خاڵەکانی وەرچەرخانی سیاسی، ئابووری و کۆمەڵایەتی 

بە گشتی لەو کۆڕبەندەدا 90 پانێلیست بەشدار دەبن. لە دەرەوەی هەرێمی کوردستان 140 میوان بەشدار دەبن. بەرپرسانی پارتەکانی تورکیا، جێگری وەزیری دەرەوەی ئێران، بەرپرس و سەرکردەکانی عێراق، سەرۆکی هەرێمی کوردستان، سەرۆکوەزیرانی عێراق، جێگری سەرۆکوەزیرانی هەرێمی کوردستان بەشداری دەکەن. لە نوێنەرایەتیی وڵاتانیش 8 باڵیۆزی وڵاتان ئامادە دەبن، لەگەڵ 21 کۆنسووڵی وڵاتان.