یەکەم کۆڕبەندی پەروەردەیی کوردستان لە هەولێر بەسترا

سەرۆک بارزانی داوای لە دوو کچە شەهید کرد پێشانگەی رۆژهەڵاتی نێوەڕاست بۆ پەروەردە و فێرکردن بکەنەوە. 

لە کۆڕبەندەکەدا ئالان حەمەسەعید، وەزیری پەروەردە رایگەیاند، 152 هەزار ئاوارەی نێوخۆی عێراق و 60 هەزار ئاوارەی سووریا لە هەرێمی کوردستان دەخوێنن و پێداچوونەوەیان بۆ 40 کتێبی پڕۆگرامی خوێندن کردووە.

بەگوێرەی ئاماری وەزارەتی پەروەردەی هەرێمی کوردستان، لەماوەی چوار ساڵی رابردوودا 82 قوتابخانەی نوێ دروستکراون و هەزار و 503 قوتابخانەی دیکە نۆژەن کراونەتەوە. ئالان حەمەسەعید دەڵێت، "دەیان قوتابخانە لەژێر کارکردندان و تاوەکو شەش مانگی دیکە ئامادە دەبن بۆ وەرگرتنی قوتابی، هاوکات 452 ژوور دروستکراون لە چوارچێوەی سیاسەتی فراوانکردنی قوتابخانەکان بۆ کەمکردنەوەی قەرەباڵخی".