لە سلێمانی پۆلیسێك خۆی كوشت

رووداو-سلێمانی 

پۆلیسێكی هێزی ئامادەی سلێمانی لە كاتی دەوامی ئاسایی خۆیدا لە گەڕەكی (كانی گۆمە)ی  شاری سلێمانی خۆی كوشت و گوتەبێژی پۆلیسی سلێمانیش دەڵێت:"تاوەكو ئێستا هیچ زانیاریەك دەربارەی خۆكوشتنەكەی نەزانراوە".

سەركەوت ئەحمەد، گوتەبێژی پۆلیسی سلێمانی بە (تۆڕی میدیایی رووداو)ی راگەیاند"سەرلەبەیانی رۆژی پێنجشەممە 24-3-2016 پۆلیسێك لە هێزی ئامادەی سلێمانی لە كاتی دەوامی ئاسایی خۆیدا  بە دەمانچەكەی خۆی كوشتووە".

گوتەبێژی پۆلیسی سلێمانی روونیشكردەوە: "ئەو پۆلیسە خەڵكی سلێمانییە و تەمەنی 30 ساڵە و خێزاندارە و بەپێی لێكۆڵینەوە سەرەتاییەكانیش لە شوێنی كارەكەی هیچ كێشەیەكی نەبووە، بەڵام تاوەكو ئێستا هیچ زانیارییەك دەربارەی خۆكوشتنەكەی نەزانراوە".

سەركەوت ئەحمەد راشیگەیاند: "تەرمی ئەو پۆلیسە لە پزیشكی دادی سلێمانییە بۆ لێكۆڵینەوەی زیاتر".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger