رووداو دیجیتاڵ
نرخی دۆلار بەرامبەر بە تمەن رۆژی یەکشەممە 750 تمەن دابەزی و یەک دۆلار بە 112 هەزار و 650 تمەن مامەڵەی پێوەدەکرێت.
لە ماوەی 24 کاژێریی رابردوو، بەرزترین ئاستی نرخی دۆلار بەرامبەر بە تمەن 113 هەزار و 400 تمەن و کەمترین ئاستیشی 112 هەزار و 650 تمەن بووە.
لە ماوەی یەک هەفتەی رابردوودا نرخی دۆلار بەرامبەر بە تمەن بەڕێژەی 0.36٪ و لە ماوەی شەش مانگیشدا بەڕێژەی 35.97٪ بەرزبوونەوەی بەخۆیەوە بینیوە.
بازرگانانی دراو لە ئێران دەڵێن، نرخی دۆلار لە بەرامبەر تمەن لە بازنەیەکی سنووردار مامەڵەی پێوەدەکرێت و هیچ هێمایەک ئێستا بۆ بەرزبوونەوەی خێرا یان دابەزینی بەرچاو لە ئارادا نییە.
بەپێی ئەو بازرگانانە هەر هەواڵێکی بچووک لەسەر سەپاندنی گەمارۆ و سزای نوێ یان دەستپێکی دانوستاندنەکان لە نێوان ئێران و وڵاتانی رۆژئاوایی کاریگەریی بەرچاو لەسەر نرخی دۆلار و تمەن دادەنێت و ئاراستەکەی دەتوانێت بگۆڕێت.
