رێوڕەسمی دەرچوونی 792 ئەفسەری پێشمەرگە لە کۆلێژی سەربازیی زاخۆ

نێچیرڤان بارزانی، سەرۆکی هەرێمی کوردستان ئەمڕۆ (پێنجشەممە، 17-10-2024) لە رێوڕەسمەکەدا لە گوتارێک بە ئەفسەرانی دەرچووی گوت "جێگەی خۆشحاڵیمانە، کە ئێوە بە خواستی خۆتان دوای ئەوەی زانکۆتان تەواو کردووە، هاتوونەتە بەر خوێندنی سەربازی و بوونەتە ئەفسەری پێشمەرگە، ئەمە نیشانەی حەز و دڵسۆزیی ئێوەیە بۆ خزمەتکردنی کوردستان، هەربژین."

لەنێو 792 ئەفسەرە دەرچووەکە، 50ـیان کچن کە 13ـیان ئێزدی و یەکێکیان دەرچوویێکی کاکەییە.

سەرۆکی هەرێمی کوردستان بە دەرچووان و ئامادەبووانی رێوڕەسمەکەی گوت "تاوەکو دونیا هەیە، پێشمەرگایەتی جێگەی شانازی و شەرەفمەندی و بەرپرسیاریێتییەکی گەورە بووە."

ئەفسەرە دەرچووەکانی خولی 29ـەیەمینی سەربازگەی دووی زاخۆ لە ماوەی 9 مانگی رابردوودا مەشق و راهێنانیان کردووە و 'ئەزموونێکی زۆریان پەیدا کردووە،' ئەمە وەک سەرۆکی هەرێمی کوردستان ئاماژەی پێدا.