لە پردێ کەسێک کوژرا و دووانی دیکەش بریندار بوون

رووداوەکە کاژێر 00:30 خولەکی 16-7-2021 روویداوە. سەرچاوەیەک لە پۆلیسی پردێ بە تۆڕی میدیایی رووداوی راگەیاند: "ئەو سێ جوتیارە کە پێشتر کێشەیان لەگەڵ چەند کەسێک هەبووە سەرقاڵی گواستنەوەی مریشک بوونە لە پەلەوەرخانەیەکەوە بۆ کەرکووک و بەپێی زانیارییە سەرەتاییەکان هۆکاری تەقە کردنەکە بۆ کێشەی کۆمەڵایەتی دەگەڕێتەوە و ئێستا ھێزەکانی پۆلیس سەرقاڵی لێکۆڵینەوەن".

سەرچاوەکە لەبارەی دۆخی تەندروستیی ئەو کەسانەی تەقەیان لێکراوە، سەرچاوەکەی پۆلیس گوتی: "هەر سێ کەسەکە بە سەختی بریندار بوون، بەڵام یەکێکیان نەگەیشتە نەخۆشخانە و گیانی لەدەستدا، تەقەکەرەکانیش ناسراون و بڕیاری دەستگیرکردنیان بۆ دەرچووە".

گوندی قەرەدەرە بەدووری 35 کیلۆمەتر دەکەوێتە باکووری کەرکووک و سەر بەشارۆچکەی پردێیە.